உடனடியாக பதவி விலகுங்கள்: சிரியா அதிபருக்கு அமெரிக்கா எச்சரிக்கை

by **நண்பன்** Sun 9 Oct 2011 - 11:24

சிரியாவில் அதிபர் பஷார் அல்-ஆசாத்துக்கு எதிராக பொதுமக்கள் போராடி
வருகின்றனர். அவர்களின் போராட்டத்தை ராணுவம் மூலம் ஒடுக்க அதிபர் ஆசாத்
முயற்சி மேற்கொண்டு வருகிறார். எனவே, இதுவரை 3 ஆயிரம் பேர் கொன்று
குவிக்கப்பட்டுள்ளனர். இதற்கு அமெரிக்கா உள்ளிட்ட உலக நாடுகளும், ஐ.நா.
சபையும் கடும் கண்டனம் தெரிவித்து வருகின்றன.

இந்த
நிலையில் மக்கள் போராட்ட குழுவின் சிரியா தேசிய கவுன்சில் தலைவராக இருந்த
தமோ (53) என்பவர் முகமுடி அணிந்த 4 துப்பாக்கி மனிதர்களால்
சுட்டுக்கொல்லப்பட்டார். இதில் அவரது மகன் மற்றும் ஆதரவாளர்கள் காயம்
அடைந்தனர். இதற்கு அமெரிக்கா கண்டனம் தெரிவித்துள்ளது.

இது குறித்து வெள்ளை மாளிகை செய்தி தொடர்பாளர் ஜாய்கன்னே வெளியிட்டுள்ள அறிக்கையில் கூறியிருப்பதாவது:-

தற்போது,
சிரியா மிக ஆபத்தான பாதையில் சென்று கொண்டிருக்கிறது. எனவே மக்கள்
போராட்டத்துக்கு முற்றுப்புள்ளி வைக்க அதிபர் பஷார் அல்-ஆசாத் உடனடியாக
பதவி விலக வேண்டும். இல்லாவிட்டால் கடும் விளைவுகளை சந்திக்க நேரிடும் என
தெரிவித்துள்ளார்.