3.60 இலட்சம் குழந்தைகளுக்கு தைரோட் பரிசோதனை

3.60 இலட்சம் குழந்தைகளுக்கு தைரோட் பரிசோதனை
ஜப்பானில் மக்களின் கோரிக்கையை ஏற்று 3 லட்சத்து 60 ஆயிரம் குழந்தைகளுக்கு தைரோட் சுரப்பி பரிசோதனை ஆரம்பமானது.

கடந்த மார்ச் மாதம் ஜப்பானில் ஏற்பட்ட பயங்கர பூகம்பத்துக்கு பின் சுனாமி தாக்கியது. இதில் 20 ஆயிரத்துக்கும் அதிகமானோர் பலியாயினர். புகுஷிமா பகுதியில் உள்ள அணு உலைகள் வெடித்து சிதறின. இதையடுத்து அந்தப் பகுதியில் கதிர்வீச்சு ஏற்பட்டது. காய்கறிகள், பயிர்களில் கதிர்வீச்சு இருந்தது கண்டுபிடிக்கப்பட்டது. புகுஷிமா பகுதியைச் சுற்றி வாழும் மக்களுக்கும் கதிர்வீச்சு இருக்கிறதா என்று தீவிர பரிசோதனை நடத்தப்பட்டது.

இந்நிலையில் தைரோட் பரிசோதனையையும் அரசு நடத்த வேண்டும். ஏனெனில், ரஷ்யாவில் கடந்த 1986ல் ஆண்டு செர்னோபில் அணு உலை விபத்து ஏற்பட்ட போது ஆயிரக்கணக்கான மக்கள் கதிர்வீச்சால் பாதிக்கப்பட்டனர். அப்போது ஏராளமானோருக்கு தைரோட் பிரச்சினை ஏற்பட்டது. எனவே ஜப்பான் குழந்தைக ளுக்கும் பெரியவர்களுக்கும் தைரோட் பரிசோதனை நடத்த வேண்டும் என்று மக்கள் வலியுறுத்தி வந்தனர்.

இதை ஜப்பான் அரசு ஏற்று குழந்தைகளுக்கு தைரோட் பரிசோதனையை ஆரம்பித்துள்ளது.

இதுகுறித்து அதிகா ரிகள் கூறுகையில்:- புகுஷிமா பகுதியில் இருந்து வெளியேற்றப் பட்ட குழந்தைகளில் 130 பேரில் 10 பேர் தைரோட் கோளாறால் பாதிக்கப் பட்டதாக தெரிய வந்துள்ளது. எனவே, அந்தப் பகுதியில் உள்ள 3 இலட்சத்து 60 ஆயிரம் குழந்தைகளுக்கு பரிசோதனை ஆரம்பிக்கப்பட்டுள்ளது. 18 வயதுக்கு உட்பட்டவர்களுக்கு பரிசோதனை நடக்கிறது என்றனர்.