தாலாட்டு என் மகனுக்கு - அப்துல்லாஹ்

by **அப்துல்லாஹ்** Tue 11 Oct 2011 - 7:27

[img]

அழகான மலர்க் காம்பு
அம்மாவின் விரல்கள் போல
அந்த விரல்கள்
கொஞ்சம் கருத்தும்
காய்ந்தும் வரிவரிகளாக
வெடித்தும்

காய்ச்சலின் போது
களிம்பு தடவ அம்மாவின் அந்த
கருத்த காய்த்த வரியுள்ள...
விரல்கள்
எத்தனை முறை
என் நெற்றியை நெஞ்சை
முதுகின் தண்டை
களிம்பு தொட்டுத்
தடவுகையில்
விரலில் அந்தச் சூடும்
அவளின் மன ஏக்கமும்
என் நோய்மை பற்றிய கவலையும்
என் மீதான அளவு கடந்த
வாஞ்சையுமாய்
விரல் காய்ப்பின் வழி ஊடுறுவும்...
உடலைத் தொட்டுத் தடவும்

அது படரும் பாதையில்
சில சமயம் அவளின்
விழிநீரின் முத்துக்களும்
சேர்த்தே நீவப்படும்...

மெல்லிசாய் முணுமுணுத்துத்
துவங்கும் அவளது
தாலாட்டுப் பாடல்
அதன் இறுதில் விசித்து
கசிந்து கண்ணீர் சிந்தி
வழக்கம் போலவே முடியும்...

அம்மாவின் மனசில்
அடிக்கடி சோகம் காண
அப்பாவும் காரணம்...
அவரின் வீரம்
வெறியோடு வெளிப்பட
வீட்டில்
நெளிந்திருக்கும் சொம்பு
தட்டைகள் கிண்ணங்கள்
தோட்டத்தில் ...
பாத்தியில் பொருத்தப்பட்ட
மண்பானையின் உடைந்த
ஓட்டுத் துண்டுகள்...

அவளின்
அழகான நெற்றியில்
காணும் கூட்டல் தழும்பு
இன்னமும் இருள்
தழுவிய அவளின்
புனித அதரங்களில்
எத்தனை எத்தனையோ
அம்மா எனும் அப்பிராணி
அவருக்கு ரௌத்திரம் காட்ட
அவசியம்;;; அது போல
அம்மாவுக்கும் அவருக்கு
அடிமையாய் வாழ

என் அம்மா பாடிய தாலாட்டை
நான் பாடச் சொல்லி
அதை அடிக்கடிக் கேட்க
என் மகனுக்கும்ஆசை

மெல்லிசாய் முணுமுணுத்துத்
துவங்கும் என் தாய் வழித்
தாலாட்டுப் பாடல்
அதன் இறுதில் விசித்து
கசிந்து கண்ணீர் சிந்தி
வழக்கம் போலவே முடிகிறது
அவளது நினைவுகளில்...

by **நண்பன்** Tue 11 Oct 2011 - 8:19

அம்மா பாடிய தாலாட்டு மகனுக்கு பாடும் போடு அம்மா பற்றிய நினைவுகள் அடி மனதில் எழும் சோகங்கள் அனைத்தையும் வரிகளாக்கி இங்கு பகிர்ந்தமை அருமை நன்றி சார் தாலாட்டு என் மகனுக்கு - அப்துல்லாஹ் 1232338647

தாலாட்டு என் மகனுக்கு - அப்துல்லாஹ் 1232338647

by **அப்துல்லாஹ்** Tue 11 Oct 2011 - 8:24

நன்றி நண்பன்

by **arull** Tue 11 Oct 2011 - 11:14

காய்ச்சலின் போது
களிம்பு தடவ அம்மாவின் அந்த
கருத்த காய்த்த வரியுள்ள...
விரல்கள்
எத்தனை முறை
என் நெற்றியை நெஞ்சை
முதுகின் தண்டை
களிம்பு தொட்டுத்
தடவுகையில்
விரலில் அந்தச் சூடும்
அவளின் மன ஏக்கமும்
என் நோய்மை பற்றிய கவலையும்
என் மீதான அளவு கடந்த
வாஞ்சையுமாய்
விரல் காய்ப்பின் வழி ஊடுறுவும்...
உடலைத் தொட்டுத் தடவும்

நோய்க்கான மருந்து தாய்ப்பாசம் அதிகமே

by **மதி** Tue 11 Oct 2011 - 18:38

நண்பன் wrote:அம்மா பாடிய தாலாட்டு மகனுக்கு பாடும் போடு அம்மா பற்றிய நினைவுகள் அடி மனதில் எழும் சோகங்கள் அனைத்தையும் வரிகளாக்கி இங்கு பகிர்ந்தமை அருமை நன்றி சார்

:+=+:

@.

by **kalainilaa** Tue 11 Oct 2011 - 19:50

கடந்தை ,கண்டதை ,அதை அர்த்தத்தோடு,
பேசும் மொழியில் தேன் தடவி கொடுப்பார்,
கசப்பை அறியவும் ,அருந்தவும்!

தாயின் அன்பை நினைத்து,
புதைந்து போன நிகழ்வை
எடுத்து தருவாய் ,ஆழமாய் .

அம்மாவின் மனசில்
அடிக்கடி சோகம் காண
அப்பாவும் காரணம்...
அவரின் வீரம்
வெறியோடு வெளிப்பட
வீட்டில்
நெளிந்திருக்கும் சொம்பு
தட்டைகள் கிண்ணங்கள்
தோட்டத்தில் ...
பாத்தியில் பொருத்தப்பட்ட
மண்பானையின் உடைந்த
ஓட்டுத் துண்டுகள்...

இப்படி பாட்ட காயங்களுக்கு
காரணத்தை சொல்லுவாய் .
நீர் அறிந்ததை ,தெரிந்ததை
சொல்லும் போது,எனக்குள்
நடந்த நிகழ்வுகளும் ,என்னை
தடவிப் போகும் .

நன்றி தோழரே .தொடருங்கள் இன்னும் .
பாராட்டுக்கள், கவிதைக்கு ,
வருத்தங்கள், பட்ட காயத்துக்கு .

by **முனாஸ் சுலைமான்** Tue 11 Oct 2011 - 21:20

அம்மாவின் மனசில்
அடிக்கடி சோகம் காண
அப்பாவும் காரணம்...
அவரின் வீரம்
வெறியோடு வெளிப்பட
வீட்டில்
நெளிந்திருக்கும் சொம்பு
தட்டைகள் கிண்ணங்கள்
தோட்டத்தில் ...
பாத்தியில் பொருத்தப்பட்ட
மண்பானையின் உடைந்த
ஓட்டுத் துண்டுகள்...[quote]

சூப்பரான வரிகள் வாழ்த்துக்கள் சார் )(( )(( )((

by *சம்ஸ் Tue 11 Oct 2011 - 23:03

அனைத்து வரிகளும் அருமையான வரிகள் முத்துக்கள் உங்களின் கவி வாழ்த்துகள் சார்

by Sponsored content

தாலாட்டு என் மகனுக்கு - அப்துல்லாஹ்

தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்