இலங்கை - இந்திய மகளிர் கபடி அணி இன்று பலப்பரீட்சை

by **நண்பன்** Tue 11 Oct 2011 - 12:08

முதலாவது தெற்காசிய கடற்கரை விளையாட்டு:

இலங்கை - இந்திய மகளிர் கபடி
அணி இன்று பலப்பரீட்சை

இலங்கைக்கு முதலாவது பதக்கம்
அம்பாந்தோட்டையில் இடம் பெற்று வரும் முதலாவது தெற்காசிய கடற்கரை விளையாட்டுப்
போட்டிகளில் இலங்கை தனது முதலாவது பதக்கத்தைப் பெற்றுள்ளது.

(அம்பாந்தோட்டை தினகரன் விசேட நிருபர்)

முதலாவது தெற்காசிய கடற்கரை விளையாட்டுப் போட்டிகள் அம்பாந்தோட்டை பீச் பார்க்கில்
மூன்றாவது நாளாக நேற்று நடைபெற்றபோது ஐந்து கிலோ மீற்றர் நீச்சல் மரதன் போட்டியில்
இந்தியாவைச் சேர்ந்த சென் மேர்வின் ரோஆக் போட்டியை 1 மணித்தியாலயம் 05 நிமிடம் 59
செக்கனில் நிறைவு செய்து தங்கப் பதக்கத்தினை வென்றார்.
அவர் போட்டியை 1.06.36 செக்கனில் நிறைவு செய்த மன்தார் டிவாலி வெள்ளிப்
பதக்கத்தினையும் 1.09.29 செக்கனில் நிறைவு இலங்கை வீரர் பெதும் எதிரிசிங்க வெண்கலப்
பதக்கத்தினை வென்றார்.
மூன்றாவது நாளாகவும் இந்திய வீரர்கள் தெற்காசிய கடற்கரை விளையாட்டுப் போட்டிகளில்
திறமையினை வெளிப்படுத்தி முன்னணியில் திகழ்ந்து வருவதோடு குதிரை தடை தாண்டி ஓட்டப்
போட்டியில் தங்கம் வெள்ளிப் பதக்கங்கள் இரண்டையும் இந்திய வீரர்கள் வென்றனர்.
இலங்கை - இந்திய மகளிர் கபடி அணி இன்று பலப்பரீட்சை S1

இலங்கை - இந்திய மகளிர் கபடி அணி இன்று பலப்பரீட்சை S1

இலங்கை
பெண்கள், இந்திய பெண்கள் கபடி அணியினர் திறமையினை வெளிக்காட்டி முன்னணியில்
திகழ்ந்து வருவதோடு இன்று நடைபெறவுள்ள இறுதிப் போட்டிக்கு தகுதி பெற்றுள்ளனர்.

முதல்
சுற்று கடற்கரை கபடிப் போட்டியில் இலங்கை ஆண்கள் அணி 52-32 புள்ளி வித்தியாசத்தில்
பாகிஸ்தான் அணியிடம் தோல்வியுற்றதோடு பாகிஸ்தான் அணி இறுதிப் போட்டிக்கு
தகுதிபெற்றுள்ளது.
ஆரம்ப சுற்றுப் போட்டிகளில் இலங்கை கடற்கரை கைப்பந்து இலக்கம் (2) குழுவினர்
மாலைதீவு இலக்கம் 02 அணியுடனான போட்டியில் 2-0 என்றடிப்படையில் வென்றது.