19 தொன் வெள்ளியுடன் மூழ்கிய கப்பல் கண்டுபிடிப்பு

by *சம்ஸ் Thu 13 Oct 2011 - 6:35

19 தொன் வெள்ளியுடன் மூழ்கிய கப்பல் கண்டுபிடிப்பு
அமெரிக்காவின் புளோரிடா மாகாணத்தைச் சேர்ந்த நிறுவனம் ஒன்று வட அட்லான்டிக் கடலில், எட்டாயிரம் அடி ஆழத்தில், 19 தொன் வெள்ளியுடன் மூழ்கிய கப்பல் ஒன்றைக் கண்டுபிடித்துள்ளனர்.

வட அட்லான்டிக் கடலில், 1917 பெப்ரவரி 9இல் ஜெர்மனியின் நீர்மூழ்கிக் கப்பல் ஒன்றின் குண்டு வீச்சால், எஸ். எஸ். மன்டோலா என்ற கப்பல் மூழ்கியது. இக்கப்பலில் 1 இலட்சத்து, 11 ஆயிரதம் பவுண்ட் அன்றைய மதிப்பிலான ஆறு இலட்சம் அவுன்ஸ் வெள்ளி இருந்தது. இது கிட்டத்தட்ட, 19 தொன்னுக்கு சமம் இன்றைய மதிப்பில் இந்த 19 தொன் வெள்ளியின் மதிப்பு, ஒரு கோடியே 90 இலட்சம் டொலர் .

இக்கப்பலில் இருந்து வெள்ளியை மீட்கும் பணியை விரைவில் ஒடிசி, அடுத்தாண்டு ஆரம்பிக்க உள்ளது. மீட்கப்படும் வெள்ளியில் 80 சதவீதம் ஒடிசி நிறுவனத்துக்குச் சேரும். ஆழ்கடலில் புதைந்து போன இதுபோன்ற கப்பல்களை, இதற்கான சிறப்புக் கருவிகள் மூலம் கண்டுபிடிப்பதில் புகழ்பெற்றது.

சமீபத்தில் அதே வட அட்லான்டிக் கடலில் 70 மில்லியன் அவுன்ஸ் வெள்ளியோடு, 1941 இல் மூழ்கிய எஸ். எஸ். கெயர்சோப்பா என்ற கப்பலை இந்நிறுவனம் தான் கண்டுபிடித்தது. அக்கப்பலில் இருந்து 160 கி. மீ. தொலைவில் தான் மன்டோலா கப்பல் கண்டறியப்பட்டுள்ளது.