கனடியத் தமிழர்களின் அமைப்புக்களை ஒரே குடையின் கீழ் கொண்டுவர முயற்சி

[img:01e6]http://www.tamilwin.com/photos/thumbs/forgien_country/canada/IMG_1873%20[]-1.JPG[/img:01e6]கனடாவில் வதியும் தமிழர்களின் நலன்களையும், தாயகத்து உறவுகளின் நலன்களையும் முன்னிறுத்தி செயற்படும் கனடியத் தமிழ் அமைப்புக்கள் அனைத்தையும் ஒரே குடையின் கீழ் கொண்டுவரவும் தாய் அமைப்பாக கனடியன் தமிழ் போரம் என்ற அமைப்பைக் கொண்டு வரவும் நடவடிக்கைகள் மேற்கொள்ளப்பட்டுவருகின்றன.

கனடியத் தமிழ் கன்சவேட்டிவ் அமைப்பின் ஆரம்ப கர்த்தாக்களான ஒரு சிலரால் குறிப்பாக தமிழர்களின் நலன்களின் அக்கறையோடு செயற்பட்டுவரும் பேராசியராகவுள்ள வணக்கத்துக்குரிய பிதா ஒருவரின் தலைமையிலே இந்த முயற்சி முன்னெடுக்கப்படுகிறது என அறியப்படுகிறது.

தமிழ் புத்திஜீவிகளின் தலைமைத்துவத்தையும், சகல தமிழ் அமைப்புக்களையும் ஒரே குடையின் கீழ் கொண்டு வருவதன் மூலம் கனடாவில் வதியும் மூன்று இலட்சம் தமிழ் மக்களின் குரலை வலுவாக கனடியத் தேசிய நீரோட்டத்திலும் உலக அரங்கிலும் கொண்டுவரும் முகமாக இந்த நடவடிக்கை மேற்கொள்ளப்பட்டுள்ளது.

இது குறித்த கலந்துரையாடலில் கலந்து கொண்ட கனடாவின் முக்கிய அமைப்புக்கள் அனைத்தும் இந்த முயற்சியை வரவேற்றதுடன் ஒரு பொதுத் தலைமையின் கீழ் செயற்படும் முயற்சிக்கு தமது முதற்கட்ட ஆதரவை வழங்கியுள்ளதுடன் இந்த முயற்சிக்கான முழு ஆக்கப்பணிகளிலும் தம்மை உளமார ஈடுபடுத்த இணக்கம் கண்டுள்ளன.

கனடியத் தமிழ்க் காங்கிரஸ், கனடியத் தமிழ்த் தேசிய மக்களவை, கனடிய மனிதவுரிமை அமைப்பு, தமிழ்ப் படைப்பாளிகள் கழகம், நாடு கடந்த அரசு, கனடியத் தமிழர் ஒன்றியம், கனடியத் தமிழ்க் கன்சவேட்டிவ் அமைப்பு போன்ற அமைப்புக்கள் அனைத்ததும் ஓரே குடையின் கீழ் செயற்பட்டால் தீவிரமாக செயற்படலாம் என்பதே மக்களின் கருத்தாக உள்ளது.