அருட்பெட்டகம் அல்குர்ஆன் !(கவிதை )

by **kalainilaa** Thu 13 Oct 2011 - 23:02

கவிஞர். G.S.T. மஹ்பூபு சுப்ஹானி

உறவில்லான் தனக்கு
உறவாய் அமைந்த
தோழரோடு உரையாடிய
இறைவனின் பேச்சு!

சத்தியத்தின் சாறு;
நித்தியனின்
நீங்காத அருட்பேறு !

விஞ்ஞானம் மெய்ஞ்ஞானம்
வாழ்வியலை வெளிச்சமயமாக்கும்
ஒளிகுன்றா வான்விளக்கு!

சுவனத் தென்றலைச்
சுவாசித்துணரத் தூண்டும்
இறையருள் வசந்தம்!

வல்லான் இறையின்
வளமார் ஆற்றலை
ஊற்றாக்கிக் காட்டும்
அறிவுத் தேனருவி!

பூமான் நபிகளின்
பொற்கரத்தில் ஒப்படைக்கப்பட்ட
அல்லாஹ்வின் அற்புதம்!

வாழ்வியல் பூங்காவில்
இடை இடையே முளைத்துவிடும்
அஞ்ஞானக் காளான்களை
அடிவேர் அறுக்கும்
அருமா மருந்து!

செம்மைமிகு செம்மல்களின்
சிந்தைச் சுவர்களில்
ஞானச் சாந்துபூசும்
சந்தனச் சொல்லோவியம்!

இனியநபி இதயத்தில்
இறைவன் எழுதிய
மாமறை இலக்கியம்!

தாய்மை துலங்கிடத்
தரணியில் வந்துதித்த
துய்யோன் தூதர்களின்
வரலாற்றுப் பொக்கிஷம்!

உவமைக் கண்களால்
பார்த்திடா முடியாத
உயர் பண்புகளின்
அருட் பெட்டகம்!

கருணை நாயகனின்
இணையற்ற புகழுக்கு
வளம் சேர்க்கும்
வற்றாத சமுத்திரம்!

ஆன்மாவைப் பக்குவப்படுத்தும்
ஆண்டவனின் அருட்சுரம்;
உள்ளம் உயர்வடைய
இறைவன் ஊற்றிய உரம்!

நன்றி : இனிய திசைகள் - சமுதாய மேம்பாட்டு மாத இதழ், செம்டம்பர் 2011

by **நண்பன்** Thu 13 Oct 2011 - 23:08

திரு மறைத் குர் ஆன் பற்றிய விளக்களுடன் வந்த வரிகள் அனைத்தும் அருமையாக உள்ளது சிறப்பான கவிதைப் பகிர்வுக்கு நன்றி உறவே.
ஆன்மாவைப் பக்குவப்படுத்தும்
ஆண்டவனின் அருட்சுரம்;
உள்ளம் உயர்வடைய
இறைவன் ஊற்றிய உரம்!

by **kalainilaa** Wed 19 Oct 2011 - 22:21

நண்பன் wrote:திரு மறைத் குர் ஆன் பற்றிய விளக்களுடன் வந்த வரிகள் அனைத்தும் அருமையாக உள்ளது சிறப்பான கவிதைப் பகிர்வுக்கு நன்றி உறவே.
ஆன்மாவைப் பக்குவப்படுத்தும்
ஆண்டவனின் அருட்சுரம்;
உள்ளம் உயர்வடைய
இறைவன் ஊற்றிய உரம்!

பாராட்டுவோம் இதை எழுதிய தோழரை .

by Sponsored content

அருட்பெட்டகம் அல்குர்ஆன் !(கவிதை )

அருட்பெட்டகம் அல்குர்ஆன் !(கவிதை )

Re: அருட்பெட்டகம் அல்குர்ஆன் !(கவிதை )

Re: அருட்பெட்டகம் அல்குர்ஆன் !(கவிதை )

Re: அருட்பெட்டகம் அல்குர்ஆன் !(கவிதை )