அல்லாஹ்வின் சந்திப்பை யார் விரும்புகிறாரோ அவரது சந்திப்பை அல்லாஹ் விரும்புகிறான்

அல்லாஹ்வின் சந்திப்பை யார் விரும்பி விட்டாரோ, அவரது சந்திப்பை அல்லாஹ்வும்
விரும்பி விடுகிறான், யார் அல்லாஹ்வின் சந்திப்பை வெறுத்து விட்டாரோ அவரது
சந்திப்பை அல்லாஹ்வும் வெறுத்து விடுகிறான் (என அல்லாஹ்வின் தூதர் ஸல்லல்லாஹ் அலைஹி
வஸல்லம் அவர்கள் கூறியதும்) அல்லாஹ்வின் நபியவர்களே! மரணத்தை வெறுப்பது தானா? நாம்
அனைவரும் மரணத்தை வெறுக்கிறோமே என நான் கேட்டேன். அதற்கவர்கள் அவ்வாறல்ல எனினும்
மூமினானவர், அல்லாஹ்வின் அருளையும் அவனின் பொருத்தத்தையும், அவனது சுவனத்தையும்
கொண்டு நற்செய்தி கூறப்பட்டால் அல்லாஹ்வின் சந்திப்பை அவர் விரும்பி விடுகிறார்.
(அது போன்றே) அல்லாஹ்வும் அவரது சந்திப்பை விரும்பி விடுகிறான்.

நிச்சயமாக நிராகரிப்பவன் அல்லாஹ்வின் தண்டனை பற்றியும், அவனது கோபத்தை பற்றியும்
நற்செய்தி கூறப்பட்டால் அல்லாஹ்வின் சந்திப்பை அவனும் வெறுத்து விடுகிறான். (அது
போன்றே) அல்லாஹ்வும் அவனை சந்திக்க வெறுப்படைந்து விடுகிறான் என அல்லாஹ்வின் தூதர்
ஸல்லல்லாஹ் அலைஹி வஸல்லம் அவர்கள் கூறியதாக ஆயிஷா ரளியல்லாஹு அன்ஹா கூறுகிறார்கள்.


ஷுரைஹ் பின் ஹானீ (என்பவர்) அபூஹுரைரா அறிவித்தாக ஒரு அறிவிப்பில் கீழ்வருமாறு
அறிவிக்கிறார்கள்.

“அல்லாஹ்வின் சந்திப்பை யார் விரும்பி விட்டாரோ! அவரது சந்திப்பை அல்லாஹ்வும்
விரும்பி விடுகிறான், அல்லாஹ்வின் சந்திப்பை யார் வெறுத்து விட்டாரோ அவரது
சந்திப்பை அல்லாஹ்வும் வெறுத்து விடுகிறான்” என அல்லாஹ்வின் தூதர் ஸல்லல்லாஹ் அலைஹி
வஸல்லம் அவர்கள் கூறினார்கள் என்று அபூஹுரைரா ரளியல்லாஹு அன்ஹு கூறுகிறார்கள்.
(என்ற கூற்றை எடுத்துக்கொண்டு ஷுரைஹ் பின் ஹானீ ரளியல்லாஹு அன்ஹு) கீழ்வருமாறு
கூறுகிறார்.)

ஆயிஷா ரளியல்லாஹு அன்ஹா அவர்களிடம் நான் வந்து விசுவாசிகளின் தாயே, அபூஹுரைரா
ரளியல்லாஹு அன்ஹு அல்லாஹ்வின் தூதர் ஸல்லல்லாஹ் அலைஹி வஸல்லம் அவர்கள் பற்றி
(மேற்கூறப்பட்ட) ஹதீஸை கூறிவிட்டு, அது அவ்வாறே இருப்பின் நாமெல்லாம் நாசமாகி
விட்டோம் என்று கூறினேன். (அதற்கு) அல்லாஹ்வின் தூதர் ஸல்லல்லாஹ் அலைஹி வஸல்லம்
அவர்களின் கூற்றின் மூலம் நாசமாகக் கூடியவன் நாசமாகிவிட்டான் என்றீரே அது எந்தக்
கூற்று! என ஆயிஷா ரளியல்லாஹு அன்ஹா கேட்டனர். அதற்கவர், அல்லாஹ்வின் சந்திப்பை யார்
விரும்பிவிட்டாரோ அவரது சந்திப்பை அல்லாஹ் விரும்பி விடுகிறான். யார் அல்லாஹ்வின்
சந்திப்பை வெறுத்து விட்டாரோ, அவரது சந்திப்பை அல்லாஹ்வும் வெறுத்து விடுகிறான்.
நம்மவர்களில் எவருமில்லை அவர் மரணிப்பதை வெறுக்கக்கூடியவராகவே தவிர எனக்கூறினார்.
(அதற்கு ஆயிஷா ரளியல்லாஹு அன்ஹா அவர்கள்) அதை அல்லாஹ்வின் தூதர் ஸல்லல்லாஹ் அலைஹி
வஸல்லம் அவர்கள் தான் கூறியிருக்கிறார்கள். (ஆனால்) அதற்கு நீர் கொண்ட கருத்தைப்
போன்றல்ல. எனினும் பார்வை நீண்டு உயர்ந்து விட்டால், மேல் மூச்சு கீழ்மூச்சு
ஏற்பட்டு மனதில் தடுமாற்றம் ஏற்பட்டுவிட்டால், முடி நட்டுவிடுமேயானால்,
விரல்களெல்லாம் மடங்கி சுருங்கி விடுமானால் (இவ்வாறெல்லாம் ஏற்பட்டு மரணம் வந்து
விடும் என்பது உறுதியாகி விட்ட நிலையில்) அல்லாஹ்வின் சந்திப்பை யார்
விரும்புகிறாரோ அவரது சந்திப்பை அல்லாஹ் விரும்புகிறான் என ஆயிஷா ரளியல்லாஹு அன்ஹா
அவர்கள் கூறினார்கள் எனக்கூறுகிறார்.

nalla seythi wanri

நல்ல ஹதீஸ்.

நல்ல ஹதீஸ் தொகுப்புக்கு நன்றி