எங்களை அவமானப்படுத்தினால் வேலை நிறுத்தம் செய்வோம்: ஆந்திர அரசியல் தலைவர்களுக்கு போலீஸ் சங்கம் எச்சரி

ஆந்திராவை பிரித்து தனித் தெலுங்கானா அமைக்க கோரி தொடர் போராட்டம்
நடந்து வருகிறது. போராட்டத்தில் ஈடுபடும் தலைவர்களை போலீசார் கைது செய்து
வருகிறார்கள். அப்போது தலைவர்கள் தங்களை அவதூறாக பேசி அவமானப்படுத்துவதாக
போலீசார் புகார் கூறி உள்ளனர்.

இந்நிலையில் ஆந்திர
போலீஸ் அதிகாரிகள் சங்க தலைவர் ஜலபதிராவ், பொருளாளர் சி.எஸ்.ராஜ, ஐதராபாத்
நகர தலைவர் வி.எஸ்.நாயுடு ஆகியோர் நிருபர்களிடம் கூறியதாவது:-

சமீபகாலமாக
தெலுங்கானா பகுதியைச் சேர்ந்த காங்கிரஸ், தெலுங்குதேசம், தெலுங்கானா
ராஷ்ட்ரீய சமிதி கட்சி தலைவர்கள் போலீசாரை அவமானப் படுத்தும் வகையில் பேசி
வருகிறார்கள். இதை வன்மையாக கண்டிக்கிறோம். சில அரசியல் தலைவர்களுக்கு
போலீசாரை குறை கூறுவதே அன்றாட வேலையாகி விட்டது.

எங்களை
அவமானப்படுத்தினால் வேலை நிறுத்தத்தில் ஈடுபடவும் தயங்க மாட்டோம். நாங்கள்
தலைவர்களுக்கு பாதுகாப்பு தராவிட்டால், அவர்களால் வீட்டிலிருந்து வெளியே
வர முடியாது. அந்த அளவுக்கு சில தலைவர்கள் மக்களின் எதிர்ப்புக்கு உள்ளாகி
இருக்கிறார்கள். தலைவர்கள் இனி போலீசாரை அவதூறாக பேசுவதை நிறுத்திக் கொள்ள
வேண்டும்.

இவ்வாறு அவர்கள் கூறினார்கள்.
மாலை மலர்

நல்ல சாட்டை யடி

தெலுங்கானா என்ற தனி மா நிலம் வேண்டும் என்று போராடும் இவர்கள் இதனால் சாதிக்க நினைப்பது என்ன? அப்ப மற்ற பகுதியில் வாழும் தெலுங்கு பேசும் மக்களை என்ன்வென்று சொல்வது ......ம்டமை செய்யும் மனிதர்கள் இவர்கள் மதி இருந்தும் மாக்கள்