டெல்லியில் நாளை 2-வது போட்டி: இந்தியாவின் அதிரடி தொடருமா?

by **நண்பன்** Sun 16 Oct 2011 - 10:53

குக் தலைமையிலான இங்கிலாந்து கிரிக்கெட் அணி இந்தியாவில்
சுற்றுப்பயணம் செய்து விளையாடி வருகிறது. இரு அணிகள் இடையேயான 5 ஒருநாள்
போட்டித் தொடரில் ஐதராபாத்தில் நடந்த முதல் ஒருநாள் ஆட்டத்தில் இந்தியா 126
ரன்னில் அபார வெற்றி பெபற்றது.

இந்தியா-இங்கிலாந்து
அணிகள் மோதும் 2-வது ஒருநாள் போட்டி டெல்லி பெபரோசா கோட்லா மைதானத்தில்
நாளை (திங்கட்கிழமை) நடக்கிறது. முதல் போட்டியில் இந்தியாவின் ஆட்டம்
அதிரடியாக இருந்தது. இதே அதிரடி நாளையும் நீடிக்குமா? என்று ரசிகர்கள்
ஆவலுடன் எதிர்பார்க்கின்றனர்.

கடந்த போட்டியில்
கேப்டன் டோனி, ரெய்னாவின் ஆட்டம் அதிரடியாக இருந்தது. இதேபோல கோலி,
காம்பீர், ஜடேஜா ஆகியோரும் சிறப்பான ஆட்டத்தை வெளிப்படுத்தினர். பேட்டிங்கை
போலவே பந்துவீச்சும் சிறப்பாக இருந்தது. அஸ்வின், ஜடேஜா ஆகியோரின்
சுழற்பந்து வீச்சில் இங்கிலாந்து பேட்ஸ்மேன்கள் திணறினார்கள். கடந்த
போட்டியில் விளையாடிய இந்திய அணியில் இருந்து மாற்றம் எதுவும் இருக்காது
என்று தெரிகிறது.

வேகப்பந்து வீரர்களில்
பிரவீண்குமார், வினய்குமார், உமேஷ் யாதவ் சிறப்பாகவே வீசினார்கள். முதல்
போட்டியில் ஏற்பட்ட மோசமான தோல்விக்கு பதிலடி கொடுக்க இங்கிலாந்து அணி
போராடும். அந்த அணியில் உலகின் தலைசிறந்த வீரர்கள் உள்ளனர். டெல்லி ஆடுகளம்
பந்து வீச்சுக்கு சாதகமாக இருக்கும். இதனால் டாஸ் முக்கிய பங்கு
வகிக்கும்.

இரு அணிகளும் டெல்லியில் கடைசியாக
2006-ம் ஆண்டு மோதிய போட்டியில் 39 ரன்னில் இந்தியா வெற்றி பெற்று
இருந்தது. நாளை ஆட்டமும் பகல்- இரவாக நடக்கிறது. பிற்பகல் 2.30 மணிக்கு
தொடங்கும் இந்தப்போட்டி தூர்தர்சன் மற்றும் நியோ கிரிக்கெட்டில் நேரடியாக
ஒளிபரப்பு செய்யப்படுகிறது.

இரு அணி வீரர்கள் வருமாறு:-

இந்தியா:
டோனி (கேப்டன்), ரகானே, பார்த்தீவ் பட்டேல், காம்பீர், வீராட் கோஹ்லி,
ரெய்னா, ரவிந்திர ஜடேஜா, அஸ்வின், பிரவீண்குமார், உமேஷ் யாதவ்,
வினய்குமார், மனோஜ் திவாரி, வருண் ஆரோன், அரவிந்த், ராகுல் சர்மா.

இங்கிலாந்து:
குக் (கேப்டன்), கீஸ்வெட்டர், பீட்டர்சன், டிராட், போபரா, பேர்ஸ்டோவ்,
சமீத் பட்டேல், பிரெஸ்னென், சுவான், ஸ்டீவன் பின், டெர்ன்பேஞ்ச், இயன்பெல்,
போர்த்விக், அலெக்ஸ் ஹேல்ஸ், ஸ்டூவர்ட் மிக்கா வோக்ஸ்.

78-வது முறையாக நாளை மோதல்

இரு
அணிகளும் நாளை மோதுவது 78-வது ஒருநாள் போட்டியாகும். இதுவரை நடந்த 77
போட்டியில் இந்தியா 39 ஆட்டத்திலும், இங்கிலாந்து 33 ஆட்டத்தில் வெற்றி
பெற்றன. 3 ஆட்டம் முடிவு இல்லை. 2 ஆட்டம் டையில் முடிந்தது