வேலை வாய்ப்பு கோரி 86 நாடுகளில் போராட்டம்; ரோம் நகரில் வன்முறை

உலக நாடுகளில் சில நிறுவனங்களின் ஆதிக்க போக்கினால் வேலை இல்லா
திண்டாட்டம் பெருகி வருகிறது. மேலும் அரசாங்கங்களும் செலவுகளை
குறைப்பதற்காக மக்களுக்கு வழங்கி வரும் சலுகைகளை நிறுத்தி வருகிறது. இதனால்
மக்களின் வாழ்வாதாரம் பாதிப்பதாக கூறி கனடா, அமெரிக்கா ஆகிய நாடுகளில்
பொதுமக்கள் போராட்டம் நடத்தினார்கள்.

இந்த
போராட்டம் மெல்ல மெல்ல பரவி தற்போது பெரும்பாலான நாடுகளை
ஆக்கிரமித்துள்ளது. ஆசியா, ஐரோப்பா, அமெரிக்கா மற்றும் ஆப்பிரிக்கா
கண்டங்களில் உள்ள 82 நாடுகளில் இப்போராட்டம் பரவியுள்ளது. ஸ்பெயின்
நாட்டில் மாட்ரிட் நகரில் கடந்த மே 15-ந் தேதி இந்த போராட்டம் தொடங்கியது.

அதைத்தொடர்ந்து
நேற்று இத்தாலி தலைநகர் ரோம், லண்டன், சூரிச், சியோல், சிட்னி, டோக்கியோ,
ஹாங் காங், புகாரஸ்ட் உள்ளிட்ட 951 நகரங்களிலும் பேரணி நடந்தது. இந்த
நகரங்களில் நடந்த பேரணி மற்றும் ஆர்ப்பாட்டத்தில் லட்சக் கணக்கான மக்கள்
கலந்து கொண்டனர். இந்த நிலை யில் ரோம் நகரில் நடந்த பேரணியில் வன்முறை
வெடித்தது.

பேரணியில் பங்கேற்றவர்கள் ரோட்டில்
சென்றவர்கள் மீது கல்வீசி தாக்கினார்கள். கடைகள் மற்றும் வங்கிகளை அடித்து
நொறுக்கினார்கள். வாகனங்களை தீவைத்து கொளுத்தினார்கள். வன்முறை சம்பவத்தில்
70 பேர் காயம் அடைந்தனர். இதனால் பதட்டமும், பரபரப்பும் ஏற்பட்டன.
போலீசார் குவிக்கப்பட்டனர்.

வன்முறையை அடக்க
போலீசார் கடுமையாக போராடினார். லண்டனில் நடந்த பேரணியில் விக்கிலீக் தலைவர்
ஜூலியன் அசாங்கே கலந்து கொண்டு பேசினார். இந்த போராட்டம் அமெரிக்காவில்
வலுத்து வருகிறது. கடந்த மாதம் (செப்டம்பர்) 13-ந் தேதி முதல் நியூயார்க்
நகரில் போராட்டம் நடத்தப்பட்டு வருகிறது. நேற்று டைம் சதுக்கத்தில் கூடி
மக்கள் போராட்டம் நடத்தினார்கள். இதைத்தொடர்ந்து 45 பேர் கைது
செய்யப்பட்டனர்.

பேரணியில் பங்கேற்றவர்கள் ரோட்டில்
சென்றவர்கள் மீது கல்வீசி தாக்கினார்கள். கடைகள் மற்றும் வங்கிகளை அடித்து
நொறுக்கினார்கள். வாகனங்களை தீவைத்து கொளுத்தினார்கள்.

எல்லா நாட்டிலும் இது மாதிரி நடக்கும் போலிருக்கு . :!.: