புகழ்பெற்ற சினிமா இயக்குநர் டைட்டஸ் தொட்டவத்த காலமானார்

by **நண்பன்** Mon 17 Oct 2011 - 9:35

புகழ்பெற்ற சினிமா இயக்குநர் டைட்டஸ் தொட்டவத்த காலமானார்

இலங்கை சினிமாத் துறையின் முக்கியஸ்தரும், முன்னணி திரைப்பட இயக்குநருமான டைட்டஸ்
தொட்டவத்த தனது 82வது வயதில் கொழும்பில் காலமானார். 1960 ஆம் 70 ஆம் ஆண்டுகளில்
வெளியான சிங்களத் திரைப்படங்களில் தனது நடிப்புத் திறமையால் மக்கள் மனதில்
இடம்பிடித்த டைட்டஸ் தொட்டவத்த தொடர்ச்சியாக பல திரைப்படங்கள் மற்றும் தொலைக்காட்சி
நாடகங்களில் பங்களிப்புச் செய்து வந்தார்.

1980ஆம் ஆண்டு இவர் தயாரித்த சிறுவர் திரைப்படமான ‘ஹந்தய’ சிறந்த திரைப்படத்துக்கான
விருதைப் பெற்றது. இதன் பின்னர் சிறுவர் நிகழ்ச்சிகளில் ஆர்வம் காடிய இவர், இலங்கை
ரூபவா ஹினிக் கூட்டுத்தாபனத்தில் ஒளிபரப்பான சிறுவர் கேலிச் சித்திரங்களுக்குக்
குரல் வழங்கி பலரது பாராட்டுக்களையும் பெற்றிருந்தார்.

1929 ஆம் ஆண்டு பிறந்த இவர் தனது பாடசாலைக் கல்வியை கொழும்பு ஆனந்தா கல்லூரியில்
தொடர்ந்ததுடன், இலங்கையின் கலைத் துறையில் புகழ்பெற்றவர்களான ஜே. டி. ஏ. பெரேரா
மற்றும் ஸ்ரான்லி அபேசிங்க ஆகியோரிடம் கலைகளைக் கற்றுக் கொண்டார். உடல்நலக் குறைவால்
கொழும்பிலுள்ள தனியார் மருத்துவ மனையொன்றில் அனுமதிக்கப்பட்டிருந்த இவர் கடந்த
சனிக்கிழமை உயிரிழந்தார்.