என் உடல் நிலையை பொறுத்து நான் பிரதமர் வேட்பாளராவேன்

என் உடல் நிலையை பொறுத்து நான் பிரதமர் வேட்பாளராவேன்


பா.ஜ. மூத்த தலைவர் அத்வானி
போபால்: “அடுத்த லோக்சபா தேர்தலின் போது, என் உடல் நிலை எப்படி இருக்கிறதோ, அதை
வைத்து, பிரதமர் பதவிக்கான வேட்பாளராகவதா, இல்லையா என்பதை முடிவு செய்வேன்” என,
பா.ஜ. மூத்த தலைவர் அத்வானி கூறினார்.
ஊழலுக்கு எதிராக மக்களிடம் விழிப்புணர்வை ஏற்படுத்தும் வகையில், பா.ஜ. மூத்த தலைவர்
அத்வானி, ரத யாத்திரை மேற்கொண்டு வருகிறார். மத்தியப் பிரதேச மாநிலத்துக்கு வந்த
அத்வானி, செய்தியாளர்களிடம் கூறியதாவது,
ஊழலுக்கு எதிராக விழிப்புணர்வை ஏற்படுத்துவது மட்டும் அல்லாமல், மத்தியில் ஆட்சி
மாற்றத்தை ஏற்படுத்த வேண்டும் என்பதும், என் ரத யாத்திரையின் முக்கிய குறிக்கோள்.
சில மாநிலங்களில் பா.ஜ. ஆட்சி நடந்து வருகிறது. இந்த மாநிலங்களில், சிறப்பான
நிர்வாகம் நடக்கிறது. வளர்ச்சித் திட்டங்களும் சிறப்பாக செயல்படுத்தப் படுகின்றன.
இதன் மூலம், எங்கள் கட்சி மீது நாட்டு மக்களுக்கு நம்பிக்கை ஏற்பட்டுள்ளது.
கர்நாடகாவில் சில பிரச்சினைகள் இருந்தாலும், அங்கும் சிறப்பான முறையில் ஆட்சி
நடக்கிறது.
தற்போது ஊழலுக்கு எதிராக மக்களிடம் எழுந்துள்ள கோபத்தை, நாங்கள் சாதகமாக
பயன்படுத்துகிறோம் என, கூறுவதை ஏற்க முடியாது. ஊழலை பொறுத்தவரை, கட்சியோ, தலைவரோ
முக்கியம் அல்ல. ஊழலைத் தடுக்க வேண்டும் என்பது மட்டுமே முக்கியம். அடுத்த லோக்சபா
தேர்தலில், நான் பிரதமர் பதவிக்கான வேட்பாளராக இருப்பேனா, இல்லையா என, அடிக்கடி
கேட்கப்படுகிறது. அப்போது, என் உடல் நலன் எப்படி இருக்கிறதோ, அதை வைத்து, வேட்
பாளராவதா, இல்லையா என முடிவு செய்வேன். வெற்றி பெற்றுவிடுவோம் என, அதீத நம்பிக்கை
வைத்திருந்தால் தான் 2004 லோக்சபா தேர்தலில் தோல்வி அடைந்தோம். அடுத்த லோக்சபா தேர்
தலில், இந்த விஷயத்தில் கவனமாக செயல்படுவோம்.
ஊழலை கட்டுப் படுத்துவதில், பிரதமர் மன்மோகன் சிங் தோல்வி அடைந்து விட்டார். பிரதமர்
நேர்மையானவராக இருந்தால் மட்டும் போதாது. மற்ற வர்களையும் நேர்மையாக செயல்பட வைக்க
வேண்டிய பொறுப்பு, அவருக்கு உள்ளது. அரசியல் கட்சிகளுக்கு தன்னார்வ தொண்டு
நிறுவனங்கள்,. ஒரு போதும் மாற்றாக செயல்பட முடியாது இவ்வாறு அத்வானி கூறினார்.

இவன் ஒவ்வொரு நாளும் ஒன்று பேசுவன் அயோக்கியர்களின் தலைவன் இறைவனின் வணக்க ஸ்லத்தை இடித்த்வன்