வரலாற்றில் இன்று அக்டோபர் 17

by *சம்ஸ் Mon 17 Oct 2011 - 13:20

உலக வறுமை ஒழிப்பு நாள்
1346 - இங்கிலாந்தின் மூன்றாம் எட்வேர்ட் ஸ்கொட்லாந்தின் இரண்டாம் டேவிட் மன்னனைச் சிறைப்பிடித்து பதினோராண்டுகள் லண்டன் கோபுரத்தில் அடைத்து வைத்தான்.

1448 - கொசோவோவில் ஹங்கேரிய இராணுவம் ஒட்டோமான் படைகளினால் தோற்கடிக்கப்பட்டனர்.

1604 - ஜெர்மனிய வானிலையாளர் ஜொகான்னஸ் கெப்லர் வானில் திடீரென மிக ஒளிர்வுள்ள விண்மீன் (எஸ்.என். 1604) தோன்றுவதைக் கண்டார்.
1662 - இங்கிலாந்தின் இரண்டாம் சார்ல்ஸ் டன்கேர்க் நகரை 40,000 பவுணிற்கு பிரான்சுக்கு விற்றான்.

1800 - டச்சு குடியேற்ற நாடான குரக்காவோ இங்கிலாந்தின் கட்டுப்பாட்டில் வந்தது.

1805 - நெப்போலியனின் போர்கள்: ஊல்ம் நகரில் இடம்பெற்ற சமரில் ஆஸ்திரியப் படையினர் நெப்போலியன் பொனபார்ட்டின் படைகளிடம் வீழ்ந்தன.

1888 - தற்போது புகழ் பெற்று விளங்கும் National Geographics சஞ்சிகை முதன் முதலில் வெளிவந்தது.

1907 - மார்க்கோனி அட்லாண்டிக் நகரங்களுக்கிடையேயான தனது முதலாவது கம்பியில்லாத் தொடர்பை கனடாவின் நோவா ஸ்கோசியாவுக்கும், அயர்லாந்துக்கும் இடையே ஏற்படுத்தினார்.

1912 - முலாம பால்க்கன் போர்: பல்கேரியா, கிரேக்கம், சேர்பியா ஆகியன ஒட்டோமான் பேரரசுடன் போரை அறிவித்தன.
1917 - முதலாம் உலகப் போரில் ஜெர்மனி பிரித்தானியா மீதான தனது முதலாவது குண்டுத்தாக்குதலை நிகழ்த்தியது.

1933 - ஜெர்மனியில் ஹிட்லரின் இனவெறி தீவிரமானதைத் தொடர்ந்து புகழ் பெற்ற விஞ்ஞானியான ஆல்பர்ட் ஐன்ஸ்டைன் அங்கிருந்து வெளியேறி நியூ ஜெர்சியில், பிர்ன்ஸ்ட்டன் எனுமிடத்தில் குடியேறினார். அந்த முடிவை அவர் எடுத்திருக்காவிட்டால் உலகம் இருபதாம் நூற்றாண்டின் மாமேதைகளில் முதன்மையானவரை சந்திக்காமலேயே போயிருக்கக் கூடும்.

1933 - முதன்முதலாக Newsweek சஞ்சிகை வெளியானது

1965 - 1964 நியூயோர்க் உலகக் கண்காட்சி இரண்டாண்டுகளின் பின்னர் முடிவுற்றது. மொத்தமாக 51 மில்லியன் மக்கள் இக்கண்காட்சியைக் கண்டு களித்தனர்.

1972 - தி.மு.க. விலிருந்து 1972 அக்டோபர் பத்தாம் தேதி வெளியேற்றப்பட்ட எம்.ஜி ராமச்சந்திரன் சரியாக ஒரு வாரத்தில், அக்டோபர் 17 ஆம் தேதியான. இன்று அண்ணா திராவிட முன்னேற்றக் கழகம் என்ற பெயரில் புதிய கட்சியைத் தொடங்கினார்.

1979 - தான் வாழ்ந்த காலத்தில் கருணையை மட்டுமே வாரி வாரித் தந்த அன்னை தெரசாவுக்கு

1979 ஆம் ஆண்டுக்குரிய அமைதிக்கான நோபல் பரிசு வழங்கப்படுவதாக இன்று அறிவிக்கப்பட்டது.

1995 - யாழ்ப்பாணத்தை விடுதலைப் புலிகளிடம் இருந்து கைப்பற்ற இலங்கை இராணுவம் ரிவிரெச நடவடிக்கையை ஆரம்பித்தது

2003 - தாய்ப்பே 101 உலகின் மிக உயரமான வானளாவி ஆனது.

2006 - ஈழப்போர்: புலிகளின் குரல் வானொலி ஒலிபரப்பு நிலையம், இலங்கை அரசின் வான்குண்டுத் தாக்குதலில் முழுமையான சேதமடைந்தது.