வினையாகும் விளையாட்டு

பல் முளைக்காத சின்ன குழந்தைகளுக்கு

நிலக்கடலையோ, முந்திரிப் பருப்பையோ ஒரு குழந்தை எடுத்து வாயில் வைக்கப் போவதைப் பார்க்கிறவர்கள், செய்கிற முதல் தவறு... "அதை விழுங்காத" என்று சத்தம் போட்டபடி அதைப் பிடுங்க ஓடுவதுதான். உடனே அந்தக் குழந்தை அவசர அவசரமாக அதை தன் வாயில் போட்டுக் கொள்ள அது நேராக சுவாசக் குழாயில் நுழைந்து அடைப்பை ஏற்படுத்திவிடும். குழந்தையை விரட்டாமல் பக்குவமாக அதன் அருகில் போய் கையில் உள்ளதை வாங்குவதுதான் சரியான வழி.

ஜெல்லி, பபுள்கம், சூயிங்கம் போன்ற மிட்டாய்களைச் சாப்பிடும் போது மூச்சுக் குழாயில் போய் அது அடைத்துக் கொள்ள, மூச்சுத் திணறல் ஏற்பட்டு இறந்தே போய்விடும் நிலை ஏற்படுகிறது. இந்த மூன்றும் மூச்சுக் குழாயில் போய் ஒட்டிக் கொள்வதால், என்ன தட்டு தட்டினாலும் வெளியே வராது. அதிலும் பபுள் கம்மை ஊதி விளையாடுகிற பழக்கம் கிட்டத்தட்ட எல்லா சுட்டிகளுக்கும் உண்டு. விளையாட்டுதான் வினையாகும் என்பது தெரியாமல் ஊதி, ஊதி ஒரு கட்டத்தில் அது வெடிக்கும் போது தங்களையும் அறியாமல் அதை அப்படியே உள்ளிழுத்துவிடுவார்கள். உள்ளே போய் ஒட்டிக் கொள்கிற பபுள்கம், காற்றை உள்ளேயோ, வெளியேவோ விடாமல் அடைத்து உயிருக்கே ஆபத்தை ஏற்படுத்திவிடும்.

பொம்மையில் விசில்!

அழுத்தினால் சத்தம் வரக்கூடிய சிறு பொம்மைகளில் ஒரு கறுப்பு நிற நீள வீசில் இருக்கும். அதைத்தனியே எடுத்து விளையாடுகிற குழந்தைகள், அது வழியாக காற்றை வெளியில் ஊதினாலும் உள்ளே இழுத்தாலும் சத்தம் வருகிற அந்தக் கவர்ச்சியில் மயங்கிவிடுவார்கள். காற்றை உள்ளே இழுக்கும் போது விசிலும் சேர்ந்து சுவாசக் குழாய்க்குள் போய்விடும் ஆபத்து இருக்கிறது. சில சமயங்களில் அந்த பொம்மைக்குள் இருக்கும் காந்தம் உணவு குழாய்க்குள் சென்று ஒட்டி கொண்டு பெரும் பிரச்சினைகளை ஏற்படுத்தி விடும். அதனால் பொற்றோர்கள் அந்த குழந்தைகளின் ஒவ்வொரு செயலையும் கவனமாக பார்த்துக் கொண்டிருக்க முடியாது. இப்படிபட்ட பொம்மைகளை வாங்கி கொடுக்காமல் பார்த்துக் கொள்ளுங்கள்.

எல்லாரும் கவனமா இருங்க