கனடா முழுவதும் அதிகரித்துள்ள குளிர் காற்றின் தாக்கம்!

by **இன்பத் அஹ்மத்** Sun 16 Jan 2011 - 6:01

கனடாவின் பல மாநிலங்கள் குளிர்காற்றின் தாக்கத்தால் பாதிக்கப்பட்டுள்ளன. பிரிட்டிஷ் கொலம்பியா, ஒன்ராறியோ உட்பட்ட பல கரையோரப்பகுதிகளில் பனிப் பொழிவும் அதிகமாகக் காணப்பட்டது.

புதன்கிழமை இரவு முழுவதும் நோவாஸ்கோஷியா பிராந்தியத்திலும், பிரின்ஸ் எட்வர்ட் தீவிலும் பனிப்பொழிவு எச்சரிக்கை விடுக்கப்பட்டிருந்தது.

இந்தப் பகுதிகளில் பகல்நேர பனிப்பொழிவும் காணப்பட்டது. மணிக்கு 80 கிலோமீட்டர் வேகத்தில் காற்றும் வீசியது. வியாழக்கிழமை காலை அளவில் சில இடங்களில் பனிப்பொழிவு 30 சென்ரிமீட்டர் உயரத்துக்குக் காணப்படலாம் என்று கனடா சுற்றாடல் பிரிவு எச்சரிக்கை விடுத்துள்ளது.

நோவாஸ்கோஷியாவிலும், நிவ்பிரன்ஸ்விக் பிரதேசத்திலும் சுமார் ஏழாயிரம் பேருக்கு மின்விநியோகமும் தடைப்பட்டுள்ளது. இந்தக் குளிர்காலம் கனடாவில் மிக மோசமான பனிப்பொழிவுடன் கூடிய காலமாகப் பதிவாகியுள்ளது.

பல மாநிலங்களில் பாடசாலைகள், சமூக நிலையங்கள் மற்றும் அரச அலுவலகங்கள் என்பன மூடப்பட்டிருந்தன.

மக்கள் வெளியே செல்ல முடியாத அளவுக்கு மோசமான நிலைமை காணப்பட்டதால், பல தினங்களுக்குத் தேவையான உணவுப் பொருள்களையும் ஏனைய அத்தியாவசியப் பொருள்களையும் களஞ்சியப்படுத்திக் கொள்ளவேண்டிய நிலைக்குத் தள்ளப்பட்டனர்.
முன்னொருபோதும் இல்லாத அளவுக்கு விமானச் சேவைகள் பலவும் ரத்துச் செய்யப்பட்டன.

by **ஹனி** Sun 16 Jan 2011 - 14:01

m--+ m--+

by **நண்பன்** Sun 16 Jan 2011 - 14:45

:pale: :pale:

by Sponsored content

கனடா முழுவதும் அதிகரித்துள்ள குளிர் காற்றின் தாக்கம்!

கனடா முழுவதும் அதிகரித்துள்ள குளிர் காற்றின் தாக்கம்!

Re: கனடா முழுவதும் அதிகரித்துள்ள குளிர் காற்றின் தாக்கம்!

Re: கனடா முழுவதும் அதிகரித்துள்ள குளிர் காற்றின் தாக்கம்!

Re: கனடா முழுவதும் அதிகரித்துள்ள குளிர் காற்றின் தாக்கம்!