பெங்களூர் சிறையில் அடைப்பு: எடியூரப்பா காவல் 3-ந் தேதி வரை நீடிப்பு

கர்நாடக முன்னாள் முதல்-மந்திரி எடியூரப்பா நில மோசடி வழக்கில் கடந்த
15-ந் தேதி கைதாகி பெங்களூர் பரப்பன அக்ரகாரம் சிறையில் அடைக்கப்பட்டார்.
அவருக்கு நெஞ்சுவலி ஏற்பட்டதால் ஆஸ்பத்திரியில் அனுமதிக்கப்பட்டார். 2 நாள்
சிகிச்சைக்குப்பின் மீண்டும் சிறையில் அடைக்கப்பட்டார்.

அவருடன்
கர்நாடக முன்னாள் மந்திரி கிருஷ்ணய்ய ஷெட்டியும் சிறையில்
அடைக்கப்பட்டார். இவர்களது காவல் முடிந்ததைத் தொடர்ந்து கிருஷ்ணய்யஷெட்டி
லோக் ஆயுக்தா கோர்ட்டில் ஆஜர்படுத்தப்பட்டார். உடல் நலக்குறைவு காரணமாக
எடியூரப்பா கோர்ட்டில் ஆஜர்படுத்தப்படவில்லை.

லோக்
ஆயுக்தா நீதிபதி சுரீந்தர்ராவ் வழக்கை விசாரித்து எடியூரப்பா, கிருஷ்ணய்ய
ஷெட்டி ஆகியோருக்கு வருகிற நவம்பர் மாதம் 3-ந் தேதி வரை காவலை நீடித்து
உத்தரவிட்டார்.

இதையடுத்து கிருஷ்ணய்ய ஷெட்டி
மீண்டும் சிறையில் அடைக்கப்பட்டார். இதே வழக்கில் எடியூரப்பாவின் மகன்
விஜயேந்திரா, மருமகன் ஷோகன் குமார் ஆகியோரும் இன்று லோக் ஆயுக்தா
கோர்ட்டில் ஆஜர் ஆனார்கள். அவர்களுக்கு கோர்ட்டு ஏற்கனவே ஜாமீன் வழங்கி
விட்டது.
இந்த நிலையில் இருவரும் வெளிநாட்டுக்கு செல்லாமல் இருக்க பாஸ்போர்ட்டுகளை கோர்ட்டில் ஒப்படைக்க நீதிபதி உத்தரவிட்டார்.

ஒருவர் ஊழல் வழக்கில் உள்ளே இருக்கான் இன்னொருவன் ஊழலை ஒழிக்க ரத யாத்திரை போய்க்கொண்டு இருக்கிறான் எடியூரப்பா போன்றவர்களை ஒழித்தால் போதுமே எதுக்கு ரத யாத்திரை

jasmin wrote:ஒருவர் ஊழல் வழக்கில் உள்ளே இருக்கான் இன்னொருவன் ஊழலை ஒழிக்க ரத யாத்திரை போய்க்கொண்டு இருக்கிறான் எடியூரப்பா போன்றவர்களை ஒழித்தால் போதுமே எதுக்கு ரத யாத்திரை

சரியாகச்சொன்னிங்க @. @.