மாணவனை கடத்தி கொடூரமாக கொன்ற கட்டிட மேஸ்திரி கைது:

by **நண்பன்** Sun 23 Oct 2011 - 9:13

மாணவனை கடத்தி கொடூரமாக
கொன்ற கட்டிட மேஸ்திரி கைது:
உடல் முழுவதும் சிகரெட்டால் சுட்டும்
கழுத்தை நெரித்தும் கொன்றது அம்பலம்

மாணவனை கடத்தி கொடூரமாக கொன்ற கட்டிட மேஸ்திரி கைது: 2b6ce0b9-601e-4182-9407-6afea48670e6_S_secvpf

மாணவனை கடத்தி கொடூரமாக கொன்ற கட்டிட மேஸ்திரி கைது: 2b6ce0b9-601e-4182-9407-6afea48670e6_S_secvpf

கிருஷ்ணகிரி மாவட்டம் ராயக்கோட்டை அருகே உள்ள கருக்கன அள்ளி ஊராட்சியை
சேர்ந்த பழையூர் கிராமத்தைச் சேர்ந்தவர் ராஜா கட்டிட மேஸ்திரி. இவரது
மகன் அய்யப்பன் ( வயது 11). இவன் ராயக்கோட்டை அரசு ஆண்கள் மேல்நிலைப்
பள்ளியில் 6-ம் வகுப்பு படித்தான்.

வழக்கம் போல்
நேற்று முன்தினம் காலையில் பள்ளிக்கு சென்றவன் அதன் பிறகு மாலையில்
வீட்டுக்கு திரும்பவில்லை. உறவினர்கள் மற்றும் நண்பர்கள் வீடுகளில்
தேடியும் கிடைக்கவில்லை.

இந்த நிலையில் நேற்று
முன்தினம் இரவு ராஜாவுக்கு ஒரு போன் வந்தது. போனில் பேசிய ராஜாவின்
உறவினரான கட்டிட மேஸ்திரி சக்திவேல் என்பவர் மாணவன் அய்யப்பனை பள்ளியில்
இருந்து மொபட்டில் கடத்தி சென்று மறைவான இடத்தில் வைத்து உள்ளதாகவும் அவனை
விடுவிக்க வேண்டும் என்றால் பணம் தர வேண்டும் என்றும் மிரட்டி உள்ளான்.
பணம் தராவிட்டால் கொன்று விடுவதாகவும் மிரட்டி உள்ளான்.

இது
குறித்து ராயக்கோட்டை போலீசில் ராஜா புகார் செய்தார். போலீசார் சக்திவேலை
பிடித்து போலீசார் விசாரித்த போதுதான் மாணவன் அய்யப்பனை அவர் கடத்தி
கொடூரமாக கொலை செய்து பிணத்தை மலையில் வீசியது தெரிய வந்தது.

முகம்,
கழுத்து, மர்ம உறுப்பு உள்ளிட்ட பகுதிகளில் சிகரெட்டால் சுட்டும், கழுத்தை
நெரித்தும் கொலை செய்ததை ஓப்புக் கொண்டான். பணத்துக்காக இந்த கொலையை
செய்ததாக அவன் கூறினான். போலீசார் சக்திவேலை ராயக்கோட்டையை அடுத்த
கிட்டம்பட்டி மூணுகுண்டு மலையின் உச்சிக்கு அழைத்துச் சென்றனர். அங்கு
மாணவன் அய்யப்பன் பிணமாக கிடந்த இடத்தை காட்டினான்.

போலீசார்
மாணவனின் பிணத்தை கைப்பற்றி அரசு ஆஸ்பத்திரிக்கு அனுப்ப எடுத்து வந்தனர்.
அப்போது அங்கு திரண்டு வந்த பழையூர் கிராம மக்கள் போலீசாரிடம் இருந்து
மாணவனின் பிணத்தை பறித்துக் கொண்டு தர்மபுரி-ஓசூர் தேசிய நெடுஞ்சாலையில்
நடுரோட்டில் போட்டு மறியலில் ஈடுபட்டனர். நேற்று மாலை 5-30 மணி முதல் இரவு
7 மணி வரை இந்த மறியல் நடந்தது.

போலீசில் புகார்
கொடுத்தும், சிறுவனை மீட்க நடவடிக்கை எடுக்காததை கண்டித்தும், மாணவனை
கடத்திய வாலிபர் சக்திவேலை புகார் கொடுத்த உடனே கைது செய்யாததை
கண்டித்தும் அவர்கள் மறியல் செய்தனர். இதனால் போக்குவரத்து பெரிதும்
பாதித்தது.ரோட்டின் இருபுறமும் வாகனங்கள் ஸ்தம்பித்து நின்றன.

சம்பவ
இடத்திற்கு மாவட்ட கூடுதல் சூப்பிரண்டு செந்தில்குமார், தேன்கனிக்கோட்டை
துணை சூப்பிரண்டு சுபாஷினி மற்றும் போலீசார் வந்தனர். அவர்கள் சாலை மறியலை
கைவிட்டு கலைந்து செல்லும் படி கிராம மக்களை வலியுறுத்தினார்கள். ஆனால்
அவர்கள் சாலை மறியலை கைவிட மறுத்ததுடன் மாணவனின் பிணத்தையும் போலீசாரிடம்
ஒப்படைக்க மறுத்து விட்டனர்.

மேலும் அந்த வழியே
வந்த தனியார் பஸ், போலீஸ் ஜீப் மற்றும் ஒரு வேன் ஆகியவற்றின் கண்ணாடியை
உடைத்தனர். இதனால் பதட்டமான சூழ்நிலை உருவானது. போலீசார் அவர்களை விரட்டி
அடித்தனர்.

மாணவனின் பிணத்தை மீட்டு
தேன்கனிக்கோட்டை அரசு ஆஸ்பத்திரிக்கு அனுப்பி வைத்தனர். பின்னர் கிராம
மக்கள் ராயக்கோட்டை கடை வீதியில் திரண்டு மறியலில் ஈடுபட்டனர். உடனடியாக
கடைகள் அடைத்தும் அடைக்கப்பட்டன. அங்கும் போலீசார் சென்று மறியலில்
ஈடுபட்டவர்களை விரட்டி அடித்தனர். அப்போது கிராம மக்களுக்கும்
போலீசாருக்கும் இடையே மோதல் நடந்தது. இதில் 2 போலீசார் தாக்கப்பட்டனர்.
அவர்கள் லேசான காயம் அடைந்தனர்.

பின்னர்
கிருஷ்ணகிரியில் இருந்து கூடுதலாக போலீசார் வரவழைக்கப்பட்டு அந்த
கிராமத்தில் குவிக்கப்பட்டனர். மாணவனை கொன்ற சக்திவேலை ரகசிய இடத்தில்
வைத்து போலீசார் விசாரணை நடத்தி வருகிறார்கள். பணத்துக்காகத்தான் அவன்
மாணவனை கொன்றானா? அல்லது வேறு காரணம் உண்டா என்றும் போலீசார் தொடர்ந்து
விசாரணை நடத்தி வருகிறார்கள். இந்த கொடூர கொலை சம்பவம் அந்தப்பகுதியில்
பெரும் பரபரப்பை ஏற்படுத்தி உள்ளது.