இன்று 4-வது போட்டி: மும்பை மைதானத்தில் விளையாடுவது பெருமை; தொடக்க வீரர் ரகானே பேட்டி

இங்கிலாந்து கிரிக்கெட் அணி இந்தியாவில் சுற்றுப்பயணம் செய்து
விளையாடி வருகிறது. இரு அணிகள் இடையேயான 5 ஒருநாள் போட்டித் தொடரில்
இதுவரை நடந்த 3 போட்டியிலும் இந்தியா வெற்றி பெற்று தொடரை வென்றது.

ஐதராபாத்தில்
நடந்த முதல் ஒருநாள் போட்டியில் 126 ரன் வித்தியாசத்திலும், டெல்லியில்
நடந்த 2-வது ஆட்டத்தில் 8 விக்கெட் வித்தியாசத்திலும், மொகாலியில் நடந்த
3-வது போட்டியில் 5 விக்கெட் வித்தியாசத்திலும் இந்தியா வெற்றி பெற்றது.

இந்தியா-
இங்கிலாந்து அணிகள் மோதும் 4-வது ஒருநாள் போட்டி மும்பை வான்கடே
மைதானத்தில் இன்று (ஞாயிற்றுக்கிழமை) நடக்கிறது. இந்த போட்டியிலும் வெற்றி
பெற்று இந்தியா முத்திரை பதிக்குமா என்று ஆவலுடன் எதிர்பார்க்கப் படுகிறது.
இந்த ஆட்டம் குறித்து இந்திய அணியின் புதுமுக தொடக்க வீரர் ரகானே
நிருபர்களிடம் கூறிய தாவது:-

முதல் இரண்டு ஒருநாள்
போட்டியில் எனது ஆட்டம் மோசமாக இருந்தது. திருப்தி அளிக்கும் வகையில்
இருந்தது. இந்த மோசமான ஆட்டம் எனக்கு அதிர்ச்சியை கொடுத்தது. இதனால்
மீண்டும் அந்த தவறுகளை செய்யகூடாது என்று நினைத்தேன். இதனால் கேப்டன்
டோனியிடமும், பயிற்சியாளர் பிளாட்சரிடமும் பேசினேன்.

அவர்கள்
எப்போதும் போல இயல்பான ஆட்டத்தை வெளிப்படுத்துமாறு கூறினார்கள். அதன்படியே
விளையாடினேன். முதலில் ஆட்டத்தில் என்னை நிலை நிறுத்திக்கொள்வது என்று
விரும்பினேன். அதன்படி நடந்தது. சதம் அடிக்க முடியாமல் 91 ரன்னில் ஆட்டம்
இழந்தது எனக்கு ஏமாற்றமே என்றாலும் அணி வெற்றி பெற்றது திருப்தி
அளிக்கிறது.

இன்னும் இரண்டு ஒருநாள் போட்டியும், 20
ஓவர் ஆட்டமும் எஞ்சியுள்ளது. இதிலும் சிறப்பாக விளையாட வேண்டும் என்று
விரும்புகிறேன். மும்பை வான்கடே மைதானம் எனது சொந்த மைதானம் ஆகும். இந்திய
அணிக்காக இங்கு விளையாடுவதில் பெருமை அடைகிறேன். இது எனக்கு மிகவும்
முக்கியமான தருணம் என்று சொல்லலாம்.

இவ்வாறு ரகானே கூறியுள்ளார்.
மாலை மலர்

@.

சும்மா பீலா உடாமே இயல்ப்பாகவே ஆடுப்பா அது போதும்