இரண்டாம் உலகப்போரில் பயன்படுத்தப்பட்ட வெடிகுண்டு கண்டுபிடிப்பு

மும்பை கடற்கரைப் பகுதியில் இரண்டாம் உலகப்போரின் போது பயன்படுத்தப்பட்ட சிலிண்டர் வெடிகுண்டு கண்டுபிடிக்கப்பட்டது.
மும்பையின் ‌தெற்கு கடற்கரையில் ஜெய்ஷூ என்ற கப்பல் போக்குவரத்து நிறுவன தொழிலாளர்கள் சிலர், கடலில் கால்வாய் தோண்டுவதற்காக சிறிய படகில் சென்று கொண்டிருந்தனர்.

அப்போது நடுகடலில் உல‌ோக சிலிண்டர் வடிவிலான பொருள் இருப்பதை கண்டறிந்தனர். அதனை சோதித்து பார்த்த போது வெடிபொருள் அடங்கிய உலோக சிலிண்டர் என்பது தெரியவந்தது.

45 கிலோ எடை கொண்ட ‌வெடிபொருளுடன் 21 இஞ்ச் நீளமும், 7 இஞ்ச் அகலமும் கொண்ட உலோக சிலிண்டரில் இருந்தது. இது குறித்து கப்பல் படையினருக்கு தகவல் கொடுக்கப்பட்டது.

சம்பவ இடத்திற்கு விரைந்து வந்த மும்பை மஞ்சள் கேட் பகுதி பொலிஸ் நிலைய அதிகாரி பாண்டுரங் டோகே கூறுகையில், கண்டெடுக்கப்பட்ட சிலி்ண்டர் வெடிகுண்டினை பாதுகாப்பாக துறைமுக பொறுப்புக்கழகத்திற்கு கொண்டுவரப்பட்டுள்ளது.

பின்னர் ‌வெடிகுண்டு செயல் இழக்கச் செய்யும் நிபுணர்கள் வரவ‌ழைக்கப்பட்டு அவற்றை செயல் இழக்க செய்யும் முயற்சியில் ஈடுபட்டுவருகின்றனர் என்றார். முன்னதாக வெடிகுண்டினை கண்‌டுபிடிக்க மோப்ப நாய் பயன்படுத்தப்பட்டது.

மேலும் ‌வெடிகுண்டு செயலிழக்க செய்யும் நிபுணர்கள் கூறுகையில், இரண்டாம் உலகப்போரின் போது பயன்படுத்தப்பட்ட வெடிகுண்டாக இருக்கலாம் என கூறியுள்ளனர்.