மலையாளப் படங்களை நான் விரும்புகிறேன்

வேலாயுதம் படத்தின் டிரெய்லர் வெளியீட்டுக்காக கொச்சின் வந்த நடிகர் விஜய்யை பெரும் திரளான ரசிகர்கள் கூடி வரவேற்றனர்.
கேரளாவில் விஜய்க்கும் அதிக ரசிகர்கள் உண்டு, தமிழ்நாட்டைப் போலவே கேரளாவிலும் விஜய் படங்களுக்கு நல்ல வரவேற்பு உண்டு.
இந்த நிலையில் தனது வேலாயுதம் படத்தின் டிரெய்லர் வெளியீட்டுக்காக விஜய் கொச்சின் போயிருந்தார்.
அங்கு அவருக்கு ரசிகர்கள் பிரமாண்ட வரவேற்பு கொடுத்து அசத்தினர், போக்குவரத்தையே பாதிக்கும் அளவுக்கு ரசிகர்கள் கூடிவிட்டனர்.


பின்னர் பத்திரிக்கையாளர்களிடம் பேசிய விஜய், ரசிகர்களின் அன்பு தன்னை நெகிழ வைப்பதாக கூறினார், மேலும் மலையாளப் படத்தில் நடிக்க தான் விரும்புவதாகவும் கூறியுள்ளார்.
இதுகுறித்து விஜய் கூறுகையில், மலையாளப் படங்களை நான் விரும்புகிறேன், யதார்த்தமாக இங்கு படம் எடுக்கிறார்கள், அவர்கள் கதை சொல்லும் விதமே அலாதியாக இருக்கின்றது என்று கூறியுள்ளார்.
மலையாள சூப்பர் ஸ்டார்கள் மம்முட்டி மற்றும் மோகன்லால் ஆகிய இருவருக்குமே நான் ரசிககன், அவர்களுடன் சேர்ந்து நடிக்கவும் ஆசையாக இருக்கிறது.
ஆனால் கூப்பிடுவார்களா என்பது தெரியவில்லை, ஆனால் வாய்ப்பு வந்தால் விடமாட்டேன் என்றார் விஜய்.
வேலாயுதம் எப்படி வந்திருக்கிறது என்று செய்தியாளர்கள் கேட்டபோது நானே எனது படத்தைப் பற்றி பெருமையாக சொல்ல விரும்பவில்லை, மக்கள்தான் படத்தைப் பார்த்துச் சொல்லனும் என்று கூறியுள்ளார் விஜய்.

கெஞ்சி தமிழ் மானத்தை போக்காதப்பா நீயே ஒரு மலையாளப்படத்தை தயாரிக்க வேண்டியதுதானே

வேலாயுதம் பார்த்து விட்டு சொல்கிறேன் எப்படி உள்ளதென்பதை
தகவலுக்கு நன்றி