சட்டவிரோத கட்டடங்கள் நிர்மாணித்தோர் மீது நடவடிக்கை

கரையோரப் பாதுகாப்பு:

சட்டவிரோத கட்டடங்கள்
நிர்மாணித்தோர் மீது நடவடிக்கை




எம்.ஐ. நிஸாம்தீன்

கரையோர பாதுகாப்பு திணைக்களம் நாட்டின் கரையோர பிரதேசங்களில் சட்டவிரோதமாக
கட்டிடங்களை நிர்மாணித்தவர்களுக்கு எதிராக கடும் நடவடிக்கை எடுக்க தீர்மானித்துள்ளது.
சமீபத்தில் பாராளுமன்றத்தில் திருத்தப்பட்ட கரையோரப் பாதுகாப்பு சட்டத்தில்
கொடுக்கப்பட்ட புதிய அதிகாரத்தை பயன்படுத்தியே இந்த நடவடிக்கை எடுக்கப்படுமென்று
திணைக்களத்தின் பணிப்பாளர் நாயகம் அணில் பிரேமரட்ன தெரிவித்தார்.
இவர்களுக்கு எதிராக வழக்கு தொடரப்பட்டு, 5ஆயிரத்திற்கும், 25ஆயிரத்திற்கும் உட்பட்ட
அபராதம் முதற்தடவையாக குற்றமிழைத்த வர்களுக்கு விதிக்கப்படும். நீதிமன்ற உத்தரவை
உதாசீனம் செய்து தொடர்ந்து அதே கட்டடங்களில் சம்பந்தப்பட் டவர்கள் இருந்தால்
அவர்களுக்கு ஒரு நாள் என்ற அடிப்படையில் ஆயிரத்திற்கும், 5ஆயிரத்திற்கும் உட்பட்ட
அபராதம் விதிக்கப்படும்.
சட்டவிரோதமான கட்டிடங்கள் கரையோரப் பகுதியில் நிர்மாணிக் கப்படுவதனால் கடல் அரிப்பு
அதிகரித்து வருவதாக அவர் மேலும் தெரிவித்தார்.

கரையோரத்திற்கு மிக அருகில்
நிர்மாணிக்கப்பட்டுள்ள கட்டிடங்கள் அரசாங்கத்தினால் தரை மட்டமாக்கப்படுவதானால் அவற்
றிற்கான செலவை அந்த கட்டிடங்களை நிர்மாணித்தவர்களிடம் அறவிடுவதற்கு நடவடிக்கை
எடுக்கப்படும். சமீபத்தில் அறுகம்பேயில் இத்தகைய சட்டவிரோத கட்டிடங்கள் கரையோரத்தில்
தரைமட்டமாக்கப்ப ட்டன.
தென்னிலங்கை யின் கரையோரத்தி லேயே இத்தகைய சட்டவிரோத கட்டிடங்கள் அதிகமாக
இருக்கின்றன. இத்துடன் நீர் நிலைகளை சட்ட விரோதமாக மண்ணால் நிரப்புதல் மற்றும் மணல்
அகழ்தல் ஆகிய குற்றங்களில் ஈடுபடுபவர்களுக்கு எதிராக சட்ட நடவடிக்கை
எடுக்கப்படுமென்றும் அவர் தெரிவித்தார்.