இரத்த தானம் வேண்டுவோருக்கு ....

by **nazimudeen** Wed 26 Oct 2011 - 11:13

இரத்த

தானம் மூலம் 40 ஆயிரம் குடும்பங்களுக்கு மேல் ஒளியை ஏற்றி வைத்த இந்த தளத்தை
அறிமுகப்படுத்துவதில் பெருமிதம் அடைவோம். இந்தியாவின் எந்த
கடைமூலையில் வாழ்ந்தாலும் ஆபத்து காலத்தில் இரத்தம்
கொடுப்பவர்களை எப்படி தேடுவது என்று எண்ணும் அனைவருக்கும் இந்தப்பதிவு ஓர் சமர்ப்பணம்.

”உதவிக்கு, என்
நண்பனைப் போல் செய்ய ஆளில்லை “ என்று சொல்லும் எல்லோருக்கும்
'அந்த நண்பனே' நிச்சயம் வந்து உதவப்போகிறான்! ஆம், 'அந்த நண்பனின்' முகம்
... மொழிக்கோ, மதத்திற்கோ, இனத்திற்கோ அப்பாற்பட்டு - அன்பை மட்டுமே ஆணி
வேராகக்கொண்டு இரத்ததானம் வேண்டுவோருக்கு உடனடியாக இரத்தம் கொடுத்து
உயிர்காக்கப்போகிறான் - கீழ் காணும் ஒரு தளம் மூலமாக:

'அந்த நண்பனின்' இணையதள முகவரி : http://www.friendstosupport.org
இத்தளத்திற்கு
சென்று எந்த வகையான Blood Group தேவை என்பதையும், இந்தியாவின் எந்த
மாநிலத்தில், எந்த மாவட்டத்தில், எந்த நகரத்தில் இருக்கிறீர்கள் என்பதையும்
கொடுத்து Submit பொத்தானை கிளிக்கினால், நீங்கள் குறிப்பிட்ட, அந்த மாவட்டத்தில்
இரத்தம் கொடுத்து உதவ எத்தனை நண்பர்கள் காத்திருக்கின்றனர்;
அவர்களின் முகவரி அல்லது அலைபேசி எண்கள் போன்ற விவரங்களை விலாவாரியாக காட்டும். நாம்
அவர்களை, உடனடியாக,
தொடர்பு கொண்டு இரத்தம் கொடுப்பது பற்றி பேசலாம். சுமார் 5 வருடங்களில்
80
ஆயிரத்துக்கும் மேற்பட்ட தன்னார்வ தொண்டர்கள் இதில் பங்கேற்று இரத்த
தானம் செய்திருக்கிறார்கள் என்பது சாதாரண விஷயமில்லை; ஒரு ஹிமாலாய
வெற்றியே.

இரத்த தானம் செய்ய விருப்பம் உள்ள
நண்பர்களும், தங்களை இத்தளத்தில் உறுப்பினராக பதிந்துகொண்டு சேவை செய்யலாம்.

எங்கோ கிராமத்தில் வாழும் ஒரு குழந்தைக்கோ அல்லது நகரத்தில், விபத்தில் சிக்கி உயிருக்காக போரடுபவருக்கோ அரிய வகை இரத்தம்
தேவைப்படலாம். இரத்தத்திற்காக அங்கும் இங்கும் அலைந்து, திரிந்து தேடி கிடைக்காமல் யாரிடம் தொடர்பு
கொண்டால் கிடைக்கும் என தெரியாமல் தவிக்கும் நம் உறவுகளுக்கு இந்த தளத்தை
அறிமுகப்படுத்துவதினால், ஒருவரின் வாழ்வை காப்பாற்றிய உணர்வு
கண்டிப்பாக நமக்கு கிடைக்கும்.

இப்பதிவை அனைவரிடமும் சேர்பிப்பது - ஒரு உன்னதமான விழிப்புணர்வே!

--- அன்புடன் உங்கள் சகோதரன்: பரங்கிப்பேட்டை - காஜா நஜிமுதீன், ரியாத்.

by **பர்வின்** Wed 26 Oct 2011 - 11:19

இரத்த தானம் வேண்டுவோருக்கு ....

இரத்த தானம் வேண்டுவோருக்கு ....

Re: இரத்த தானம் வேண்டுவோருக்கு ....