சீனாவின் புதிய சட்டத்தால் இந்திய நிறுவனங்களுக்கு நெருக்கடி

சீனா தற்போது கொண்டு வந்துள்ள புதிய சட்டத்தால் இந்திய நிறுவனங்கள் நெருக்கடிக்கு உள்ளாகியுள்ளது என சீனாவில் முதலீடு செய்துள்ள இந்திய நிறுவனங்களின் கூட்டமைப்பை சேர்ந்த ராஜேஸ் தெரிவித்துள்ளார். இந்தியா சீனா இடையே நட்புறவு ஏற்படுத்தும் வகையில் இருநாட்டு தலைவர்களும் செய்துகொண்ட ஒப்பந்தத்தின் அடிப்படையில் இந்திய நிறுவனங்கள் சீனாவில் தொழில் நிறுவனங்களை நடத்தி வருகின்றன. இந்நிலையில் சீன அரசு சமுதாய பாதுகாப்பு என்ற புதிய சட்டம் ஒன்றை அமல்படுத்தியுள்ளது. இதன் மூலம் தற்போது இந்திய நிறுவனங்களில் தொழில் புரிந்து வரும் பணியாளர்களிடம் 40 சதவீதம் வரை வரியாக வசூலிக்‌கப்படுகிறது. இதில் தொழில் நிறுவனங்களிடம் 37 சதவீதமும், தொழிலாளர்களிடம் 11 சதவீதம் வரையில் வசூல் செய்யப்படுகிறது. இந்திய தொழிலாளர்கள் பெரும்பாலானோர் மொழி பிரச்னை காரணமாக இந்திய நிறுவனங்களையே தேர்வு செய்து பணியில் அமருகின்றனர். மேலும் தொழிலாளர்கள் அரசிடமிருந்து மருத்துவ வசதி மற்றும் பிற சலுகைகளை எதிர்பார்க்கி்ன்றனர். ஆனால் சீன அரசு அடிப்படை வசதிகளை ‌செய்து தர மறுத்துவருகிறது. அதே சமயம் மற்ற வெளிநாட்டு நிறுவனங்களுக்கு இத்தகைய வசதிகள் தொடர்ந்து கிடைத்து வருகிறது. இது குறித்து காரணம் ‌கேட்டதற்கு இருநாடுகளிடையே ஒப்பந்தம் போடப்படும் பொழுது இது போன்ற ‌ஒப்பந்தங்கள் போடுவது கிடையாது என்ற பதில் மட்டுமே கிடைப்பதாகவும் இந்திய அரசு இது குறித்து பரிசீலனைசெய்யும் என தான் நம்புவதாகவும் அவர் தெரிவித்துள்ளார். சீனாவில் பணிபுரிந்து வரும் இந்தியர்கள் நான்கு அல்லது ஐந்து ஆண்டுகளில் மீண்டும் இந்தியாவிற்கு திரும்பி வந்துவிடுகின்றர். அதே சமயம தொடர்ந்து 15 ஆண்டுகள ஆனவர்களுக்கு மட்டுமே ஓய்வூதியம் வழஙக்கப்படுகிறது. என்பது குறி்பிடத்தக்கது.