23வது தேசிய இளைஞர் விளையாட்டு அட்டாளைச்சேனை மாணவன் சாதனை

by **நண்பன்** Sat 29 Oct 2011 - 10:53

23வது தேசிய இளைஞர் விளையாட்டு
அட்டாளைச்சேனை மாணவன் சாதனை

ஐந்து புதிய சாதனைகள் நிலைநாட்டப்பட்டன

அட்டாளைச்சேனை தினகரன் நிருபர்

23வது தேசிய இளைஞர் விளையாட்டு அட்டாளைச்சேனை மாணவன் சாதனை S1110292

(படம்: ரஞ்சித் அஸங்க)

ஹோமாகம தியகம மஹிந்த ராஜபக்ஷ விளையாட்டு மைதானத்தில் நேற்று முன்தினம் ஆரம்பமான
23வது தேசிய இளைஞர் விளையாட்டு விழாவின் இரண்டாம் நாளான நேற்று (28) நடைபெற்ற
இருபது வயதிற்குட்பட்ட ஆண்களுக்கான நீளம் பாய்தல் போட்டி நிகழ்ச்சியில்
அட்டாளைச்சேனை தேசிய பாடசாலை இளைஞர் கழக அணியைச் சேர்ந்த எம். ஐ. எம். மிப்றான்
என்ற மாணவன் புதிய சாதனையொன்றை நிகழ்த்தியுள்ளார் என அதிபர் வி. ரி. ஹனீபா மெளலவி
தெரிவித்தார்.
நேற்றுக் காலை நடைபெற்ற இப் போட்டியில் எம். ஐ. எம். மிப்றான் 7.04 மீற்றர் தூரம்
பாய்ந்து இவ் ஆண்டுக்கான புதிய சாதனையை நிகழ்த்தியுள்ளார். கடந்த ஆண்டு இம்
மாணவனால் ஏற்படுத்தப்பட்ட 6.96 என்ற மீற்றர் சாதனையை இவ் ஆண்டு அவரே
முறியடித்திருப்பது சிறப்புப் பொருந்தியது என அதிபர் மெளலவி ஹனீபா மேலும்
தெரிவித்தார். இம் மாணவன் அண்மையில் பாடசாலைகளுக்கிடையிலான தேசிய மட்ட போட்டியில்
பங்கு கொண்டு நீளம் பாய்தல்போட்டியில் 7.09 மீற்றர் கடந்து மூன்றாமிடத்தை
பெற்றுக்கொண்டமை குறிப்பிடத்தக்கது. இம் மாணவனை வழிப்படுத்தி நெறிப்படுத்திய
ஆசிரியர்களான எம். ஐ. சிமால் ஐன், எம். ஐ. அஸ்மி, எம். எம். அஸ்மி, எம். ஜி. ஜி.
பிர்னாஸ் மற்றும் இளைஞர் சேவை அதிகாரி யூ.எல்.ஏ. மஜீத், விளையாட்டு உத்தியோகத்தர்
எஸ். எல். தாஜுதீன் ஆகியோரையும் சாதனை மாணவன் மிப்றானையும் பாராட்டி
வரவேற்பளிக்கப்படவுள்ளதாக அதிபர் மேலும் தெரிவித்தார்.