இந்தியாவில், கடந்த ஆண்டு விபத்துகளில் 4 இலட்சம் பேர் பலி

by **நண்பன்** Sat 29 Oct 2011 - 11:15

இந்தியாவில், கடந்த ஆண்டு
விபத்துகளில் 4 இலட்சம் பேர் பலி

அமைச்சர் ப. சிதம்பரம் வெளியிட்ட அறிக்கையில் தகவல்
மத்திய உள்துறை அமைச்சர் ப. சிதம்பரம் தேசிய குற்ற கட்டுப்பாட்டு பிரிவின்
அறிக்கையை நேற்று வெளியிட்டார். அதில், கடந்த ஆண்டு நாடு முழுவதும் சாலை, ரெயில்
விபத்துகள், தீவிபத்து, மின்னல் தாக்குதல் உள்ளிட்ட பல்வேறு வகையான விபத்துகளால் 3
இலட்சத்து 84 ஆயிரத்து 649 பேர் பலியாகி இருப்பதாக கூறப்பட்டுள்ளது. இது 2009ம்
ஆண்டை விட 7.7 சதவீதம் அதிகம். பலியான எண்ணிக்கையில் அதிக அளவாக, மராட்டியத்தில்
மட்டும் 16.7 சதவீத உயிரிழப்புகள் நிகழ்ந்துள்ளன. தமிழ்நாட்டின் விபத்து உயிரிழப்பு
சதவீதம் 8.4 ஆகும்.
மொத்தம் 6 இலட்சத்து 78 ஆயிரத்து 326 விபத்துகள் நடந்துள்ளன. 5 இலட்சத்துக்கும்
மேற்பட்டோர் காயம் அடைந்துள்ளனர். பெரும்பாலான சாலை விபத்துகள் மே மாதத்திலும்,
அதிலும் மாலை 6 மணியில் இருந்து இரவு 9 மணிக்குள்தான் நடந்து இருப்பதாக அந்த
அறிக்கையில் கூறப்பட்டுள்ளது.
பலியானவர்களில் 78 சதவீதம் பேர் ஆண்கள் 22 சதவீதம் பேர் பெண்கள். ஆனால்,
தீவிபத்தில் பலியானவர்களில் பெண்களே அதிகம் என்பது குறிப்பிடத்தக்கது.