கிரிஸ் சிக்கன நடவடிக்கைக்கு வாக்கெடுப்பு; பிரான்ஸ், ஜெர்மனி குழப்பம்

கிரிஸ் சிக்கன நடவடிக்கைக்கு
வாக்கெடுப்பு; பிரான்ஸ், ஜெர்மனி குழப்பம்



கிரிஸ் யூரோ மண்டலத்தில் இருப்பது குறித்து இறுதி முடிவு எடுக்கும் வரை அதற்கு எந்த
நிதியுதவியும் வழங்கப்பட மாட்டாது என பிரான்ஸ், ஜெர்மனி தலைவர்கள் எச்சரிக்கை
விடுத்துள்ளனர்.
கிரீஸை காப்பதை விடவும் யூரோ மண்டலத்தை காப்பது கட்டாயம் என பிரான்ஸ் ஜனாதிபதி
நிகொலஸ் சார்கோசி மற்றும் ஜெர்மனி சான்சலர் அன்ஜலா மெர்க்கஸ் ஆகியோர்
குறிப்பிட்டுள்ளனர்.
சர்வதேச நாணய நிதியம் உள்ளிட்ட மூன்று அமைப்புகளும் கோரும் சிக்கன நடவடிக்கைகள்
குறித்து கிரீஸ் பொது வாக்கெடுப்புக்கு அழைப்பு விடுத்ததைத் தொடர்ந்து யூரோ மண்டல
கடன் பிரச்சினை பெரும் நெருக்கடிக்கு உள்ளாகியுள்ளது. இந்நிலையில் கிரீஸ் யூரோ
மண்டலத்தில் இருந்து விலகும் வாய்ப்பும் ஏற்பட்டுள்ளது.
கிரீஸ் கடன் நெருக்கடி தீர சர்வதேச நாணய நிதியம் (ஐ.எம்.எப்.), ஐரோப்பிய யூனியன் (இ.யு)
மற்றும் ஐரோப்பிய மத்திய வங்கி (இ.சி.பி.) ஆகியவற்றில் கிரீஸ் இரு தவணைகளாக
நிதியுதவி பெற்றுள்ளது. ஆயினும் அதன் கடன் குறையவில்லை என்பதால் கடந்த ஒக்டோபரில்
நடந்த ஐரோப்பிய யூனியன் கூட்டத்தில் மூன்று முக்கிய முடிவுகள் எடுக்கப்பட்டன.
அதன்படி கிரீசுக்கு கடன் பத்திரங்கள் அளித்த தனியார் நிதி நிறுவனங்கள் தங்கள் கடனில்
50 சதவீதத்தை ரத்து செய்து விட வேண்டும் மூன்றாவது தவணையாக 100 பில்லியன் யூரோ
அளிக்கப்படும் இதற்குப் பதிலாக அரசு ஊழியர் எண்ணிக்கை குறைப்பு, சம்பளம், ஓய்வூதியம்
வெட்டு உள்ளிட்ட பல்வேறு சிக்கன நடவடிக்கைகளை கிரீஸ் மேற்கொள்ள வேண்டும் என மூன்று
அமைப்புகளும் நிபந்தனை விதித்தன.
நிபந்தனையை ஏற்ற கிரீஸ் பிரதமர் அதற்கு பாராளுமன்றத்தின் ஒப்புதலையும் பெற்றார்.
இந்நிலையில் கடந்த ஒப்டோபர் 31ம் திகதி பேட்டியளித்த அவர், “மூன்று அமைப்புகள்
கோரும் சிக்கன நடவடிக்கைகள் குறித்து கிரீஸ் மக்களிடம் பொது வாக்கெடுப்பு
நடத்தப்படும்” என்றார்.

அவரது இந்த அறிவிப்பு ஐரோப்பாவில் பெரும் அதிர்ச்சியைக்
கிளப்பியது. இந்நிலையில் நேற்று முன்தினம் ஏழு மணி நேரம் நடந்த கிரீஸ் அமைச்சரவைக்
கூட்டத்தில் பிரதமரின் முடிவுக்கு ஆதரவளிப்பதாக முடிவெடுக்கப்பட்டது. பொது
வாக்கெடுப்பு இந்தாண்டு டிசம்பரில் நடத்தப்படும் எனவும் அறிவிக்கப்பட்டது.
எம்.பிக்கள் சிலர் பிரதமரை விமர்சித்த போதிலும் ஆதரவு அளிப்பதாகவே கூறினர்.

ஆளும்
கட்சியின் ஒரு எம்.பி. தனது பதவியை ராஜினாமா செய்து விட்டார். ஆறு எம்.பி.க்கள்
பிரதமர் ராஜினாமாவை கோரியுள்ளனர். இந்தச் சூழலில் இன்று ஆளும் கட்சி மீதான நம்பிக்கை
வாக்கெடுப்பு நடக்கவுள்ளது.

இந்த முயற்சியில் அவர்கள் வெற்றி பெறட்டும்
நல்ல செய்திகளையும் பயனுள்ள தகவல்களையும் தருவதில் எப்பவுமே சம்ஸ் முந்திக்கொள்வார் நன்றி தோழா