ஹசாரேயை பலிக்கடாவாக்குகின்றனர் அவரது அணியினர்

ஹசாரேயை பலிக்கடாவாக்குகின்றனர் அவரது அணியினர்



திக்விஜய் சிங் புதிய குற்றச்சாட்டு


புதுடில்லி;

அன்னா ஹசாரே மிகவும் எளிமையானவர். தங்களின் அரசியல் ஆசைகளை நிறைவேற்றிக்கொள்வதற்காக
ஹசாரே குழுவைச் சேர்ந்த சிலர் அவரை பலி கடாவாக்குகின்றனர் என காங்கிரஸ் பொதுச்
செயலர் திக்விஜய் சிங் கூறினார்.
¡ங்., பொதுச் செயலர் திக்விஜய் சிங் கூறியுள்ளதாவது, ஊழலுக்கு எதிராக போராடும் அன்னா
ஹசாரே மிகவும் எளிமையானவர். இது எனக்கு நன்றாகத் தெரியும். ஆனால் அவரைச்
சுற்றியுள்ளவர்களுக்கு அரசியல் ஆசை உள்ளது. அதை நிறைவேற்றிக் கொள்வதற்காக அவருக்கு
நெருக்கடி கொடுக்கின்றனர்.
தங்கள் ஆசையை நிறைவேற்றுவதற்காக அவரை பலிக்கடா ஆக்குகின்றனர். தங்களை விட அன்னா
ஹசாரேக்கு அதிக நம்பகத் தன்மை இருப்பதால், இதை அவர்கள் பயன்படுத்திக்கொள்கின்றனர்.
எப்போதுமே நான் உண்மையைத்தான் பேசுகிறேன். ஆனால் இவை எவ்வாறு சர்ச்சையை
ஏற்படுத்துகின்றன என்பது எனக்குத் தெரியவில்லை. இது எனக்கு ஆச்சர்யமாக உள்ளது.
ஹசாரே பற்றி நான் தெரிவிக்கும் ஒவ்வொரு கருத்துக்களையும் காங்கிரஸ் தலைவர்களுடன்
பகிர்ந்துகொள்வேன். என்றாலும் காங்கிரஸ் தலைவர் சொனியா, பொதுச் செயலர் ராகுல்
ஆகியோருடன் இது குறித்து விவாதிப்பது இல்லை. லோக்பால் மசோதா விவகாரத்தில் காங்கிரஸ¤க்கு
எதிராக பிரசாரம் செய்யும் விவகாரத்தில், அன்னா ஹசாரே அடிக்கடி தன் நிலையை
மாற்றிக்கொள்வது ஆச்சர்யம் அளிக்கிறது.
அன்னா ஹசாரே குழுவுக்கும், ஆர்.எஸ்.எஸ்.,
பா.ஜ. ஆகியவற்றுக்கும் தொடர்பு இருப்பதாக ஏற்கனவே நான் தெரிவித்த கருத்தில் எந்த
மாற்றமும் இல்லை. தங்கள் போராட்டத்துக்கு ஆதரவு தெரிவித்ததற்காக ஆர். எஸ். எஸ். பா.
ஜ ஆகியவற்றுக்கு உண்ணாவிரத மேடையிலேயே. அன்னா ஹசாரே நன்றி தெரிவித்தார்.
விரும்பத்தகாத கேள்விகளுக்கு பதில் அளிப்பதை தவிர்க்கவே அன்னா ஹசாரே மெளன விரதம்
இருந்தார். இவ்வாறு திக்விஜய் சிங் கூறினார்.
கெஜ்ரிவால் கூட்டத்தில் சலசலப்பு
ஊழலுக்கு எதிரான கூட்டத்தில் பங்கேற்பதற்காக, அன்னா ஹசாரே குழு உறுப்பினரான அரவிந்த்
கெஜ்ரிவால், நேற்று முன்தினம் நாக்பூர் வந்தார். அப்போது, போராட்டக்காரர்கள் சிலர்
அரவிந்த் கெஜ்ரிவாலின் காரை முற்றுகையிட்டு தகராறு செய்தனர். அவர்களுடன் மோதலில்
ஈடுபட்டனர். இதனால், அங்கு சிறிது நேரம் பரபரப்பு ஏற்பட்டது.
இதற்கிடையில், அரவிந்த் கெஜ்ரிவால் கூறுகையில், ‘எங்கள் குழுவைச் சேர்ந்தவர்களின்
தொலைபேசி உரையாடல்கள், புலனாய்வு அமைப்பினரால் ஒட்டுக் கேட்கப்படுகின்றன. நாங்கள்
என்ன சமூக விரோதிகளா? எங்களால் நாட்டு பாதுகாப்புக்கு ஆபத்து ஏற்பட்டுள்ளதா என்பதை
அரசு விளக்க வேண்டும், என்றார்.