கனிமொழியின் பிணை வழக்கு: டிசம்பர் 1ம் திகதிக்கு ஒத்திவைப்பு

by **நண்பன்** Thu 10 Nov 2011 - 16:06

கனிமொழியின் பிணை வழக்கு:
டிசம்பர் 1ம் திகதிக்கு ஒத்திவைப்பு

சிறைவாசம் தொடர்கிறது

கனிமொழியின் பிணை வழக்கு: டிசம்பர் 1ம் திகதிக்கு ஒத்திவைப்பு I-7

2ஜி வழக்கில் பிணை கோரி டில்லி உயர் நீதிமன்றத்தில் தி.மு.க எம்.பி. கனிமொழி தாக்கல்
செய்துள்ள மனு நேற்று விசாரணைக்கு வந்தது. அப்போது இந்த மனுவுக்கு டிசம்பர் 1ம்
திகதி பதிலளிக்குமாறு சி.பி.ஐக்கு நீதிமன்றம் உத்தரவிட்டது.
கடந்த 3ம் திகதி கனிமொழியின் பிணை மனுவை டில்லி சிறப்பு சி.பி.ஐ நீதிமன்ற நீதிபதி
ஓ.பி.சைனி நிராகரித்துவிட்டார். இதையடுத்து டில்லி உயர் நீதிமன்றத்தில் கனிமொழி மேல்
முறையீடு செய்தார். இந்த மனு நேற்று விசாரணைக்கு வந்தது. தான் ஒரு பெண், ஒரு
குழந்தையின் தாய் என்ற வகையில் தனக்கு பிணை கோரியுள்ளார் கனிமொழி.
ஜாமீன் கிடைத்துவிடும் என்ற அதீத நம்பிக்கையில் இருந்தது தி.மு.க தலைமை ஆனால், இந்த
மனுவுக்கு பதில் மனு தாக்கல் செய்யுமாறு சி.பி.ஐக்கு உத்தரவிட்ட நீதிமன்றம் வழக்கை
டிசம்பர் 1ம் திகதிக்கு ஒத்திவைத்துவிட்டது.
4வது முறை பிணை மறுப்பு
கனிமொழி கடந்த 5 மாதங்களாக சிறையில் இருப்பது குறிப்பிடத்தக்கது. அவரது பிணை
மனுக்கள் 4 முறை சி.பி.ஐ சிறப்பு நீதிமன்றத்தால் நிராகரிக்கப்பட்டுள்ளன. நேற்று
5வது முறையாக அவரது மனு விசாரணைக்கு வந்தது. கலைஞர் தொலைக்காட்சிக்கு ரூ. 200 கோடி
தரப்பட்ட விவகாரத்தில் அவர் கைது செய்யப்பட்டது குறிப்பிடத்தக்கது.