யாழ்ப்பாணத்தில் பாடசாலை அதிபரை வெட்டிக் கொலை

யாழ்ப்பாணத்தில் பாடசாலை
அதிபர் வெட்டிக் கொலை



வீட்டினுள் இருந்து
சடலம் மீட்பு
யாழ்ப்பாணம் வரணி கரப்பன்குறிச்சி அரசினர் தமிழ்க் கலவன் பாடசாலையைச் சேர்ந்த
அதிபர் வெட்டிக் கொலை செய்யப்பட்ட நிலையில் அவரது சடலம் வெள்ளிக்கிழமை காலை
மீட்கப்பட்டுள்ளதாக யாழ். பொலிஸார் தெரிவித்தனர்.
சிவசுப்பிரமணியம் தயாபரன் (வயது 40) என்பவரே இவ்வாறு சடலமாக மீட்கப்பட்டவர் ஆவார்.
யாழ். கந்தர்மடம் ரயில்வே வீதியிலுள்ள அவரது வீட்டின் இரண்டாம் மாடியிலுள்ள
அறையொன்றிலிருந்தே அவரது சடலம் மீட்கப்பட்டதாகவும் அவரது வயிறு மற்றும் கழுத்துப்
பகுதிகளில் கத்தியால் குத்தப்பட்ட காயங்கள் காணப்படுவதாகவும் யாழ். பொலிஸார்
குறிப்பிட்டனர்.
யாழ். கந்தர்மடம் ரயில்வே வீதியை சொந்த இடமாகவும், மீசாலையை வசிப்பிடமாகவும் கொண்ட
மேற்படி நபர் தனது சொந்த வீட்டிற்கு அவ்வப்போது வந்து செல்வது வழக்க மாகும்.
அவ்வாறே மேற்படி நபர் தனது சொந்த வீட்டிற்கு வியாழக்கிழமை வந்துள்ளார். பின்னர்
மீண்டும் மீசாலையிலுள்ள தனது வீட்டிற்கு திரும்பிச்செல்லவில்லையெனவும் இதனால்
அவரைத் தேடி கந்தர்மடம் ரயில்வே வீதியிலுள்ள வீட்டிற்கு உறவினர்கள் வந்தபோது
மேற்படி
நபர் சடலமாக கிடப்பதைக் கண்டனர். பின்னர் இது தொடர்பில் அவரது உறவினர்கள் யாழ்.
பொலிஸாருக்கு தெரியப்படுத்தவே பொலிஸார் சம்பவ இடத்திற்கு விரைந்து சடலத்தை
மீட்டுள்ளனர். குறித்த வீட்டின் கீழ்த்தளம் இளைஞர்கள் சிலருக்கு வாடகைக்கு
விடப்பட்ட நிலையில் அவ்வீட்டின் இரண்டாம் மாடியிலேயே குறித்த நபர் அவ்வப்போது
தங்கிச் செல்வது வழமையாகுமெனத் தெரிவிக்கப்படுகிறது.
இக்கொலைச் சம்பவம் தொடர்பில் யாழ். பொலிஸார் விசாரணைகளை மேற்கொண்டு வருகின்றனர்.

முதலாவது மாடியில் தங்கிய இலைஞர்களை பிடிங்கையா உண்மை வெளியாகும் இல்லையென்றால் நடக்காதது ஏதோ சொல்லவருவார் நண்பன்

சினிமாக்கலில் வரக்கூடிய சம்பவங்களேதான் இவைகள் சினிமாவின் தாக்கம் இன்று எப்படியல்லாம் விளையாடு பார்த்தீர்களா முந்திய காலங்களில் நாம் இவ்வாறான விடையங்களை படிப்பதும் பார்ப்பதும் மிகவும் அரிது ஆனால் இன்று அற்ப காரணங்களுக்காக மிகவும் பெருமதியான உயிர்களை சர்வசாதாரணமாக சாய்த்து விடுகிறார்கள்.
தகவலுக்கு நன்றி

முதலாவது மாடியில் தங்கிய இலைஞர்களை பிடிங்கையா உண்மை வெளியாகும் இல்லையென்றால் நடக்காதது ஏதோ சொல்லவருவார் நண்பன்

சினிமாக்கலில் வரக்கூடிய சம்பவங்களேதான் இவைகள் சினிமாவின் தாக்கம் இன்று எப்படியல்லாம் விளையாடு பார்த்தீர்களா முந்திய காலங்களில் நாம் இவ்வாறான விடையங்களை படிப்பதும் பார்ப்பதும் மிகவும் அரிது ஆனால் இன்று அற்ப காரணங்களுக்காக மிகவும் பெருமதியான உயிர்களை சர்வசாதாரணமாக சாய்த்து விடுகிறார்கள்.
தகவலுக்கு நன்றி