முடிவெட்டுவதற்கு ரூ.50,000 மட்டுமே : நம்பினால் நம்புங்கள்!

by **puthiyaulakam** Sun 13 Nov 2011 - 16:14

முடி திருத்தம் செய்ய அல்லது அலங்காரத்துக்காக ரூ.50 முதல் ரூ.5,000 வரை கூட ஆகலாம் என்பது நமக்கு தெரியும். ஆனால், உலகின் முன்னணி நிறுவனம் ஒன்று ரூ.50,000 கட்டணம் (இந்திய மதிப்பில் ) வசூலிக்கிறது. ஆம், இத்தாலியின் பர்மாவைச் சேர்ந்த ரோஷனோ ஃபெர்ரிட்டி என்ற முடி அலங்கார நிபுணர்தான் இதை நடத்தி வருகிறார்.

இத்தாலியின் மிலன், பிரான்சின் பாரிஸ், ஸ்பெயினின் மாட்ரிட், அமெரிக்காவின் நியூயார்க் மற்றும் லாஸ் ஏஞ்சல்ஸ் உள்ளிட்ட உலகின் முன்னணி நகரங்களில் சுமார் 20 சலூன்களை இவர் நடத்தி வருகிறார். மறைந்த முன்னாள் இளவரசி டயானா, ஹாலிவுட் பிரபலங்கள் லேடி ககா, சல்மா ஹயக் உள்ளிட்ட பிரபலங்கள் இவரது வாடிக்கையாளர்களில் குறிப்பிடத்தக்கவர்கள். இந்தியாவிலும் மும்பையில் உள்ள தி போர் சீசன்ஸ் என்ற நட்சத்திர ஓட்டலில் ஒரு சலூனை திறந்துள்ளார். அடுத்தபடியாக குர்கானில் உள்ள தி ஓபராய் ஓட்டலில் 2வது சலூனை இந்தியாவில் திறக்க திட்டமிட்டுள்ளார்.
முடிவெட்டுவதற்கு ரூ.50,000 மட்டுமே : நம்பினால் நம்புங்கள்! World-cosliest-hair-stylist-Rossano-Ferretti