2011 உலககோப்பை : இந்திய அணி அறிவிப்பு, ரோகித் சர்மா நீக்கம் : தமிழக வீரர் அஷ்வினுக்கு வாய்ப்பு

by **நண்பன்** Mon 17 Jan 2011 - 22:16

உலக கோப்பை தொடருக்கான 15 பேர் கொண்ட இந்திய அணி இன்று அறிவிக்கப்பட்டது. வேகப்பந்து வீச்சாளர் ஸ்ரீசாந்த் மற்றும் ரோஹித் சர்மா ஆகியோருக்கு அணியில் இடம் மறுக்கப்பட்டுள்ளது. இதில் தமிழக வீரர் அஷ்வினுக்கு வாய்ப்பு அளிக்கப்பட்டுள்ளது. இந்தியா, இலங்கை, வங்கதேச நாடுகள் இணைந்து உலக கோப்பை கிரிக்கெட் (பிப்.18-ஏப்.2) தொடரை நடத்துகின்றன. இதற்கான 30 பேர் கொண்ட உத்தேச அணியை, இந்திய கிரிக்கெட் போர்டு (பி.சி.சி.ஐ.,) கடந்த மாதம் அறிவித்தது. இதிலிருந்து 15 பேர் கொண்ட அணி, இன்று சென்னையில் அறிவிக்கப்பட்டது. இந்த அணியை, ஸ்ரீகாந்த் தலைமையிலான பி.சி.சி.ஐ., தேர்வுக்குழு தேர்வு செய்தது.

15 பேர் கொண்ட இந்திய அணி விவரம்:: தோனி (கேப்டன்), சச்சின், சேவக், காம்பிர், விராத் கோஹ்லி, சுரேஷ் ரெய்னா, யுவராஜ், ஹர்பஜன், ஜாகிர் கான், யூசுப் பதான், அஷ்வின், பிரவீண் குமார், நெஹ்ரா, பியுஸ் சாவ்லா, மற்றும் முனாப் படேல்.

தற்போது அறிவிக்கப்பட்டுள்ள அணியில், டோணி மட்டுமே விக்கெட் கீப்பராக உள்ளார். 2வது விக்கெட் கீப்பர் இடம் பெறவில்லை. உலகக் கோப்பைப் போட்டிக்கான அணியில் 7 பந்து வீச்சாளர்கள், 6 பேட்ஸ்மென்கள், ஒரு விக்கெட் கீப்பர், ஒரு ஆல் ரவுண்டர் (யூசுப் பதான்) இடம் பெற்றுள்ளனர்.

சமீபகலமாக சிறப்பாக விளையாடி வரும் இந்திய அணி, இம்முறை அதன் சொந்த மண்ணில் கோப்பையை வெல்லும் என தான் நம்புவதாக இந்திய அணியின் தேர்வு குழுத் தலைவர் ஸ்ரீகாந்த் தெரிவித்தார்.