மன்னார் வளைகுடாவில் 2ஆவது எரிவாயு படிமம் கண்டுபிடிப்பு

by **நண்பன்** Tue 15 Nov 2011 - 9:22

மன்னார் வளைகுடாவில் 2ஆவது எரிவாயு படிமம் கண்டுபிடிப்பு

(கே.அசோக்குமார்)

மன்னார் வளைகுடாவில் எண்ணெய் அகழ்வில் ஈடுபட்டிருக்கும் கெய்ன் லங்கா நிறுவனம்
இரண்டாவது எரிவாயு படிமம் இருப்பதை கண்டுபிடித்துள்ளதாக அறிவித்துள்ளது.
கெய்ன் லங்கா நிறுவனம் எண்ணெய் வள அபிவிருத்தி செயலகத்துக்கு இரண்டாவது எரிவாயு
படிமத்தையும் கண்டுபிடித்துவிட்டதாக அறிவித்துள்ளது என ஜனாதிபதி செயலக ஊடகப் பிரிவு
அறிவித்துள்ளது.
மன்னார் வளைகுடா பகுதியில் கடலில் எஸ்.எல்.2007.01.001.3 பரகுடா 1ஜீ/1 என
பெயரிடப்பட்டுள்ள எண்ணெய்க் கிணறில் 4700 மீற்றர் ஆழத்திலும், நிலத்திலிருந்து 1509
மீற்றர் ஆழத்திலும் இரண்டாவது கிணறு முன்னைய கிணற்றைவிட 38 கிலோ மீற்றர் தொலைவில்
அகழப்பட்டுள்ளது.
சுமார் 24 மீற்றர் சுற்றளவில் சுமார் 4067 முதல் 4206 மீற்றர் வரை எரிவாயு படிமம்
இருப்பதாக கெய்ன் லங்கா நிறுவனம் தெரிவித்துள்ளது. எண்ணெய் அகழ்வில் ஈடுபட்டுள்ள
கப்பல் குறித்த இடத்தை சென்றடைய வுள்ளது.
தற்போது கண்டுபிடிக்கப்பட்டுள்ள எரிவாயு படிமத்தின் வர்த்தக ரீதியான பெறுமதியை
சரிவர தெரிந்து கொள்வதற்கு அகழ்வு வேலைகள் இன்னமும் தொடர வேண்டியுள்ளது.
இயற்கை எரிவாயு இருப்பதாக கெய்ன் லங்கா நிறுவனம் கடந்த ஒக் டோபர் மாதம் ஜனாதிபதி
மஹிந்த ராஜபக்ஷ அவர்களுக்கு அறிவித்திருந்தது. இந்த இயற்கை எரிவாயு கண்டுபிடிக்கப்
பட்டதன் ஊடாக எண்ணெய் வளம் இருப்பதற்கான பலமான சான்றும் இருப்பதாகவும் கெய்ன் லங்கா
நிறுவனம் சுட்டிக்காட்டியிருந்ததாக ஜனாதிபதி செயலகத்தின் ஊடகப் பிரிவு விடுத்துள்ள
செய்திக் குறிப்பில் குறிப்பிடப்பட்டுள்ளது.
சி.எல்.பி.எல்-பரகுடா-1ஜி/1 எனப் பெயரிடப்பட்டுள்ள எண்ணெய் கிணறி லிருந்து சுமார்
38 கிலோமீற்றர் தொலைவில் அடையாளம் காணப்பட்டுள்ளது இரண் டாவது படிமம்
சி.எல்.பி.எல்-டொரடோ-91எச்/1சட் எனப் பெயரிடப்பட்டுள்ளது. இலங்கைக்கு மேற்குக்
கரையிலிருந்து 68 கிலோமீற்றர் தூரத்தில் இந்தப் படிமம் அடையாளம் காணப்பட்டுள்ளதாக
கெய்ன் லங்கா நிறுவனம் அறிவித்துள்ளது.