திருமணத்துக்குப் பின் பக்ரைனில் குடியேறுவேன்-நடிகை மம்தா

by **நண்பன்** Wed 16 Nov 2011 - 9:47

சிவப்பதிகாரம்” படத்தில் விஷால் ஜோடியாக நடித்தவர் மம்தா மோகன்தாஸ்.
குசேலன், குரு என் ஆளு போன்ற படங்களிலும் நடித்துள்ளார். தற்போது அருண்
விஜய்யுடன் “தடையற தாக்க” படத்தில் நடித்து வருகிறார். மலையாளத்திலும்
முன்னணி நடிகையாக உள்ளார். மம்தா கர்நாடக மற்றும் இந்துஸ்தானி இசையில்
நிபுணத்துவம் பெற்றவர்.
விஜய் நடித்த வில்லு
படத்தில் இடம் பெற்ற, “டாடி மம்மி வீட்டில் இல்ல தடை போட யாரும் இல்ல
விளையாடுவோமா உள்ள” என்ற ஹிட் பாடலை மம்தா, பாடியுள்ளார். மம்தாவுக்கு
திருமணம் நிச்சயமாகி உள்ளது. மணமகன் பெயர் பிரஜித். இவர் பக்ரைனில் தொழில்
அதிபராக உள்ளார். மம்தா- பிரஜித் திருமண நிச்சயதார்த்தம் கொச்சி அருகில்
உள்ள மணமகன் வீட்டில் நடந்தது.அடுத்த மாதம் 28-ந்தேதி திருமணத்தை நடத்த
முடிவு செய்துள்ளனர்.

நெருங்கிய உறவினர்கள் மட்டுமே
திருமணத்துக்கு அழைக்கப்பட்டுள்ளனர். 30-ந்தேதி கொச்சியில் நடக்க உள்ள
திருமண வரவேற்பு நிகழ்ச்சிக்கு நடிகர், நடிகைகளை அழைக்கிறார்கள்.
திருமணத்துக்குப்பின் பக்ரைனில் கணவருடன் குடியேறப்போவதாக மம்தா
தெரிவித்தார்.