இந்திய கபடி வீராங்கனைகள் இருவர் பலி, 10 வீராங்கனைகள் படுகாயம்

by **நேசமுடன் ஹாசிம்** Fri 18 Nov 2011 - 10:42

இந்திய கபடி வீராங்கனைகள் சென்ற பஸ், ராணுவ வாகனத்துடன் மோதி தீப்பிடித்ததில் இருவர் பலியாகினர். 10 வீராங்கனைகள் படுகாயம் அடைந்தனர்.

பஞ்சாப்பில் ஆண்கள் மற்றும் பெண்கள் உலக கோப்பை கபடி போட்டி நடக்கிறது. பெண்கள் பிரிவில் இந்தியா, இங்கிலாந்து, அமெரிக்கா மற்றும் துர்க்மெனிஸ்தான் அணிகள் பங்கேற்கின்றன. இந்திய அணி, பங்கேற்ற இரு போட்டிகளிலும் வென்று, பைனலுக்கு முன்னேறியுள்ளது.
இன்று மூன்றாவது லீக் போட்டியில் அமெரிக்காவை சந்திக்கவுள்ளது. இதனிடையே லூதியானாவில் உள்ள பஞ்சாப் முதல்வர் பிரகாஷ் சிங் பாதல் வீட்டுக்கு, சிறப்பு அழைப்பின் பேரில் இந்திய வீராங்கனைகள் 14 பேரும் தனி பஸ்சில் சென்றனர். அப்போது சண்டிகாரில் இருந்து 250 கி.மீ., தொலைவில் உள்ள பதிண்டாவின் பச்சோ மார்க் என்ற இடத்தில், எதிரே வந்த ராணுவ வாகனத்துடன் பஸ் மோதியது.
மோதிய வேகத்தில் பஸ் தீப்பிடித்தது. பஸ் டிரைவர் பரேந்திர சர்மா, வீராங்கனைகள் பாதுகாப்புக்கு வந்த தலைமை கான்ஸ்டபிள் ஹர்ஜீத் சிங் சம்பவ இடத்திலேயே பலியாகினர்.
காயமடைந்த 14 வீராங்கனைகளும், <உடனடியாக ஆஸ்பத்திரியில் சேர்க்கப்பட்டனர். 10 பேரின் நிலைமை கவலைக்கிடமாக உள்ளது. மற்ற நான்கு பேரும் லேசான காயத்துடன் தப்பினர். தவிர, 3 போலீசாரும் கவலைக்கிடமாக உள்ளனர்.