அலுவலக வேலை நேரத்தில் தூக்கம் வருவதை தடுக்கும் முட்டை

மூளை செயல்பாட்டை சுறுசுறுப்பாக்குவதில் முட்டைக்கு முக்கிய பங்கு இருக்கிறது என்கின்றனர் ஆராய்ச்சியாளர்கள்.
பகல் நேரங்களில், குறிப்பாக அலுவலக வேலை நேரத்தில் தூக்கம் வருவதை தவிர்க்க காலை சிற்றுண்டிக்கு ப்ரெட் டோஸ்ட்டுடன் முட்டையின் வெள்ளைக்கரு சேர்த்து சாப்பிடலாம் என மருத்துவ ஆராய்ச்சியாளர்கள் பரிந்துரைத்துள்ளனர்.
ஜாமுக்கு பதிலாக முட்டையின் வெள்ளைக்கரு சேர்த்து கொள்வது நல்லதாம்.



வெள்ளைக்கருவில் உள்ள புரதம், மூளை மற்றும் உடல் உறுப்புகளை சுறுசுறுப்பாக்கும் என்பதே இதற்கு காரணம் என்று தெரிவிக்கப்பட்டுள்ளது. வெள்ளைக்கருவில் உடலின் அதிக கலோரிகளை எரிக்க தேவையான மூலப்பொருள் உள்ளதால் உடல் எடை கூடும் என்ற பயமும் வேண்டாம்.
தூக்கம், சுறுசுறுப்பு இரண்டுக்கும் முக்கிய காரணம் ஓரெக்சான் என்ற செல்கள். இந்த செல்கள் மூளையில் ஓரெக்சின் அல்லது ஹைப்போக்ரெடின் என்ற சுரப்புக்கு காரணமாகிறது. இதில் பாதிப்பு ஏற்படும்போது நார்கோலக்சி என்ற நிலைக்கு தள்ளப்பட்டு உடல் பருமன் அதிகரிக்கும். இந்த பாதிப்பில் இருந்து முட்டையின் வெள்ளைக்கரு பாதுகாப்பு அளிக்கிறது. இதில் உடலுக்கு அத்தியாவசிய தேவையான அமினோ அமிலங்கள் உள்ளிட்ட ஏராளமான ஊட்டச்சத்துக்கள் உள்ளன. இவை மூளையில் உள்ள ஓரெக்சின் செல்களுக்கு புத்துணர்வு அளிக்கிறது. இதனால் இவற்றின் செயல்பாடுகள் சீராக இருக்கும். இதன்மூலம் மூளை மற்றும் உடல் செயல்பாட்டில் புத்துணர்ச்சி ஏற்படும் என்கின்றனர் ஆராய்ச்சியாளர்கள்.

முட்டை ப்ரெட் டோஸ்ட்


முட்டை - மூன்று
ப்ரெட் ஸ்லைஸ் - பத்து
பட்டர் - பத்து தேக்கரண்டி
தாளிக்க:
எண்ணெய் - இரண்டு தேக்கரண்டி
பட்டை - ஒரு சிறிய துண்டு
வெங்காயம் - மூன்று (பொடியாக நறுக்கவும்)
இஞ்சி பூண்டு பேஸ்ட் - அரை தேக்கரண்டி
தக்காளி - அரை பாகம் (பொடியாக நறுக்கவும்)
பச்சை மிளகாய் - இரண்டு (பொடியாக நறுக்கவும்)
மிளகாய்த்தூள் - அரை தேக்கரண்டி
மிளகு தூள் - கால் தேக்கரண்டி
மஞ்சள் தூள் - கால் தேக்கரண்டி
கொத்தமல்லி தழை - கால் கட்டு
உப்பு - ஒரு தேக்கரண்டி



முதலில் முட்டையில் கால் தேக்கரண்டி உப்பு, கால் தேக்கரண்டி மிளகு தூள் போட்டு நன்கு நுரை பொங்க அடித்து வைக்கவும்.


ஒரு வாணலியில் எண்ணெய் விட்டு பட்டை போட்டு பொரிந்ததும் வெங்காயத்தையும், பச்சைமிளகாயையும் போட்டு வதக்கவும்.


வதங்கியதும் இஞ்சி பூண்டு பேஸ்ட் போட்டு நன்கு வதக்கவும்.


பிறகு அதில் தக்காளியை சேர்த்து வதக்கி, அதில் முக்கால் தேக்கரண்டி உப்பு, மிளகாய் தூள், மஞ்சள் தூள் போட்டு நன்கு வதக்கி அடித்து வைத்த முட்டையை போட்டு வதக்கவும். கொத்தமல்லி தழையை பைனாக சாப் செய்து அதில் போட்டு கிளறி கொதிக்க வைக்கவும்.


இது ப்ரெட் டோஸ்டரில் செய்வது:


டோஸ்டரை ஆன் செய்து சூடு வந்ததும், இரண்டு ப்ரெட்டை எடுத்து அதில் முட்டை கலவையை பரவலாக வைத்து மூடி டோஸ்டரில் மேலும் கீழும் அரை தேக்கரண்டி பட்டர் போட்டு ப்ரெட்டை வைத்து டோஸ்டரை மூடவும். நல்ல ஸ்டிக் ஆகி ப்ரெட்டும் க்ரிஸ்பியாகி முக்கோணவடிவில் கிடைக்கும்.

முட்டையைப் பற்றின சிறந்த கட்டுரையும், அதை எப்படி சமைப்பது என்ற குறிப்பையும், வீடியோவையும் தந்து உதவிய அண்ணனுக்கு மனமார்ந்த நன்றிகள். ##*

முட்டையைப் பற்றின சிறந்த கட்டுரை பகிர்விற்கு நன்றி