ஐஸ்வர்யா ராய் முன்னுதாரணம்

by **நேசமுடன் ஹாசிம்** Sat 19 Nov 2011 - 16:18

முன்னாள் உலக அழகியும் பாலிவுட் நடிகையுமான ஐஸ்வர்யா ராய்க்கு கடந்த புதன்கிழமை அந்தேரியில் உள்ள செவன் ஹில்ஸ் மருத்துவமனையில் அழகான பெண் குழந்தை பிறந்தது. இது நார்மல் டெலிவரிதான். மும்பையில் பிரசவத்துக்காக மருத்துவமனைகளில் அனுமதிக்கப்படும் நான்கு பெண்களில் ஒருவருக்கு சிசேரியன் ஆபரேஷன் செய்யப்படுகிறது. 35 வயதுக்கு மேற்பட்ட பெண்களில் பெரும்பாலானோர் சிசேரியன் செய்து கொள்கிறார்கள்.

இந்த நிலையில் 38 வயதாகும் ஐஸ்வர்யா ராய் சிசேரியின் செய்யாமல் சாதாரணமாகவே குழந்தை பெற விரும்பி இருப்பதை நகரில் உள்ள பல்வேறு டாக்டர்களும் பாராட்டியுள்ளனர். மும்பை ஜினாகாலாஜிகல் சொசைட்டியின் தலைவர் டாக்டர் நோசர் ஷெரியர் இது பற்றி கூறுகையில், “சில சமயத்தில் கொஞ்சம் வயதான பெண்களிடம், சாதாரண டெலிவரியை விரும்புகிறீர்களா அல்லது சிசேரியன் செய்ய வேண்டுமா என்றுகூட டாக்டர்கள் கேட்பது இல்லை.

அவர்களாகவே முடிவு செய்து சிசேரியன் ஆபரேஷன் செய்து விடுகிறார்கள். இந்த அணுகுமுறை மாற வேண்டும். இதில் ஐஸ்வர்யா முன்னுதாரணமாக இருக்கிறார். அவருக்கு பாராட்டுக்கள்Ó என்றார். லீலாவதி மருத்துவமனையின் மகப்பேறு பிரிவு தலைமை டாக்டர் கிரண் சியோல்ஹோ கூறுகையில், “இனி குழந்தை பெற்றுக்கொள்ளப்போகும் அனைத்து தாய்மார்களுக்கும் ஐஸ்வர்யா ஒரு ரோல் மாடலாக இருப்பார்Ó என்றார்.