வரலாற்றில் இன்று நவம்பர் 20

by *சம்ஸ் Sun 20 Nov 2011 - 13:23

284 - டயோக்கிளேசியன் ரோமப் பேரரசின் மன்னன் ஆனான்.

1194 - இத்தாலியின் பலேர்மோ நகரம் ஆறாம் ஹென்றியால் கைப்பற்றப்பட்டது.

1700 - சுவீடனின் பன்னிரண்டாம் சார்ல்ஸ் நார்வா என்ற இடத்தில் ரஷ்யாவின் முதலாம் பீட்டரைத் தோற்கடித்தான்.

1906 - ரோல்ஸ் ராய்ஸ் என்பது விலையுயர்ந்த கார். ரோல்ஸ் என்பவரும் ராய்ஸ் என்பவரும் கூட்டாக இணைந்து ரோல்ஸ் ராய்ஸ் நிறுவனத்தைத் தொடங்கினார்கள்.

1916 - நீதிக்கட்சி - தென்னிந்திய நல உரிமைச் சங்கம் உதயமான நாள்
1917 - உக்ரேன் குடியரசாக அறிவிக்கப்பட்டது.

1923 - ஜேர்மனியின் நாணயம் பேப்பியர்மார்க் ரெண்டென்மார்க் ஆக மாற்றப்பட்டது. (1 ரெண்டென்மார்க் = 1 திரில்லியன் பேப்பியர்மார்க்)
1933- தந்தை பெரியார் "புரட்சி" என்ற வார ஏட்டைத் தொடங்கிய நாள் (நவ.7 என்றும் சொல்லுவர்)
1940 - இரண்டாம் உலகப் போர்: ஹங்கேரி, ருமேனியா, சிலவாக்கியா ஆகியன அச்சு அணி நாடுகள் அமைப்பில் இணைந்தன.

1947 - இளவரசி எலிசபெத் இளவரசர் பிலிப்பை திருமணம் புரிந்தார்.

1963 - காமராஜர் 1963 ஆம் ஆண்டு அகில இந்திய காங்கிரசின் தலைவராகத் தேர்வு செய்யப்பட்டார்.

1969 - கால்பந்து உலகின் மன்னன் என்று போற்றப்படும் Pele ஆயிரமாவது கோலைப் புகுத்தினார்.

1977 - ஆறு ஆண்டுகள் சிறைக்குப் பின் ஜனதா விமுக்தி பெரமுன தலைவர் றோகண விஜேவீர விடுதலை செய்யப்பட்டார்.

1979 - சவுதி அரேபியாவில் மெக்காவில் காபா மசூதியைத் தாக்கிய சுணி முஸ்லிம் தீவிரவாதிகள் 6,000 பேரைப் பணயக் கைதிகளாக்கினர். பிரெஞ்சுப் படைகளின் உதவியுடன் இத்தாக்குதல் முறியடிக்கப்பட்டது.

1985 - மைக்ரொசொஃப்ட்டின் விண்டோஸ் 1.0 வெளியிடப்பட்டது.

1988 - ராஜிவ் காந்திக்கும் மிக்கைல் கோர்பசேவுக்கும் இடையே இரு அணு உலைகளைக் கூடங்குளத்தில் அமைப்பது என்ற ஒப்பந்தம் கைச்சாத்திடப்பட்டது. எனினும் சோவியத் கலைப்பை அடுத்து இத்திட்டம் கைவிடப்பட்டது.

1994 - அங்கோலா அரசுக்கும் யுனீட்டா தீவிரவாதிகளுக்கும் இடையே சாம்பியாவில் போர் நிறுத்த ஒப்பந்தம் கைச்சாத்தாகியதில் 19 ஆண்டு கால உள்நாட்டுப் போர் முடிவுக்கு வந்தது.

எனினும் அடுத்த ஆண்டு போர் மீண்டும் ஆரம்பமாயிற்று.

1998 - பன்னாட்டு விண்வெளி நிலையத்தின் முதலாவது பகுதி சாரியா விண்ணுக்கு அனுப்பப்பட்டது.