எகிப்தில் மீண்டும் மக்கள் ஆர்ப்பாட்டம்: இருவர் பலி; 670 பேர் காயம்

எகிப்தில் மீண்டும் மக்கள் ஆர்ப்பாட்டம்: இருவர் பலி; 670 பேர் காயம்.
எகிப்து இராணுவ ஆட்சிக்கு எதிராக மக்கள் நடத்திய ஆர்ப்பாட்டத்தின் போது பாதுகாப்பு படையினருடன் ஏற்பட்ட மோதலில் இருவர் கொல்லப்பட்டதோடு 670 பேர் காயமடைந்தனர்.

எகிப்தின் கெய்ரோ மற்றும் அலக்சான்டரியாவில் இரண்டாவது நாளாகவும் தொடர்ந்து நேற்று முன்தினமும் இடம்பெற்ற இந்த ஆர்ப்பாட்டத்தில் ஆயிரக்கணக்கானோர் பங்கேற்றனர்.

எகிப்தில் பொதுமக்கள் போராட்டத்துக்குப் பின்னர் ஹொஸ்னி முபாரக் பதவி விலகினார். அதை தொடர்ந்து இராணுவம் வசம் ஆட்சி ஒப்படைக்கப்பட்டது. இந்த மாதம் 28ஆம் திகதி புதிய ஜனாதிபதி தேர்தல் மூலம் தேர்ந்தெடுக்கப்படுவார் என அறிவிக்கப்பட்டிருந்தது.

இந்த நிலையில் அரசியல் சட்டத்தில் சில மாற்றங்களை செய்ய இராணுவ ஆட்சியாளர்கள் முடிவு செய்துள்ளனர். இதற்கு மக்கள் மத்தியில் கடும் எதிர்ப்பு கிளம்பியுள்ளது.

இராணுவம் தனது ஆட்சி அதிகாரத்தை தக்க வைத்துக்கொள்ள விரும்புகிறது. தேர்தல் நடத்தி புதிய ஜனாதிபதியைத் தேர்ந்தெடுக்க அரசு விரும்பவில்லை என்ற அச்சம் மக்களிடையே நிலவுகிறது. இதற்கு எதிர்ப்பு தெரிவித்தே மக்கள் மீண்டும் ஆர்ப்பாட்டம் நடத்திவருகின்றனர்.

தேடிக்கொண்ட வினை