பருமனான கர்ப்பிணிக்கு குண்டு குழந்தை பிறக்கும்

இங்கிலாந்து தலைநகர் லண்டனில் உள்ள செயின்ட் தாமஸ் மருத்துவமனையை சேர்ந்த பேராசிரியர் லுசில்லா பாஸ்டன் தலைமையிலான ஆராய்ச்சியாளர்கள், பிறந்த குழந்தைகளின் உடல் பருமன் குறித்து ஒரு ஆய்வை மேற்கொண்டனர். உணவு சாப்பிடுவதற்கான விருப்பத்தை லெப்டின் என்ற ஹார்மோன் கட்டுப்படுத்துகிறது.

உடல் பருமனாக உள்ள கர்ப்பிணிகளுக்கு இந்த ஹார்மோன் அதிக அளவில் சுரப்பது ஆய்வில் தெரிய வந்துள்ளது. இது கருப்பையில் உள்ள குழந்தையையும் பாதிக்கிறது. அதாவது குழந்தை எடையை கட்டுப்படுத்துவதற்கான சுரப்பியை செயலிழக்க வைக்கிறது.

இதனால், குழந்தையின் வளர்ச்சி காலத்திலும் எடையைக் கட்டுப்படுத்த முடியாமல் போவதாக ஆய்வாளர்கள் கூறியுள்ளனர். பிரிட்டனில், குண்டு கர்ப்பிணிகள் எண்ணிக்கை கடந்த 20 ஆண்டுகளில் 2 மடங்காக அதிகரித்துள்ளது.

அதாவது மொத்த கர்ப்பிணிகளில் வெறும் 7 சதவீதமாக இருந்த குண்டு பெண்களின் எண்ணிக்கை இப்போது 15 சதவீதமாகி உள்ளது.

இதனால் ஆண்டுக்கு 1 லட்சம் குழந்தைகள் இறப்பு அல்லது மோசமான பாதிப்புகளை சந்திப்பதாக ஆய்வு கூறுகிறது. குண்டாக உள்ள பெண்கள், தங்கள் உடல் எடையைக் குறைத்துக் கொண்ட பிறகு கர்ப்பம் தரித்தல் அல்லது கர்ப்ப காலத்தில் உணவுக் கட்டுப்பாட்டை கடைபிடிப்பதன் மூலம் இதுபோன்ற சிக்கலைத் தவிர்க்கலாம் என ஆராய்ச்சியாளர்கள் கூறியுள்ளனர்.

தகவலுக்கு நன்றி பாஸ்

தகவலுக்கு நன்றி.

ஆண்டுக்கு 1 லட்சம் குழந்தைகள் இறப்பு அல்லது மோசமான பாதிப்புகளை சந்திப்பதாக ஆய்வு கூறுகிறது.

{)) {))
குண்டாக உள்ள பெண்கள், தங்கள் உடல் எடையைக் குறைத்துக் கொண்ட பிறகு கர்ப்பம் தரித்தல் அல்லது கர்ப்ப காலத்தில் உணவுக் கட்டுப்பாட்டை கடைபிடிப்பதன் மூலம் இதுபோன்ற சிக்கலைத் தவிர்க்கலாம்
:!+: :!+: