சிறுகதைப் போட்டிக்கான முதல் பரிசு ஜனாதிபதியின் அறிக்கைக்கே வழங்க வேண்டும்

சிறுகதைப்போட்டிக்கான முதல் பரிசு வழங்குவதென்றால் அது ஜனாதிபதி மஹிந்த ராஜபக்ஷவின் 2012 ஆம் ஆண்டிற்கான வரவு செலவுத்திட்ட அறிக்கைக்கு தான் கொடுக்கப்படல் வேண்டும். வெறும் இனிப்பு தடவிய தீய கசாயமாகவே வரவு செலவுத் திட்டம் காணப்படுகின்றது என்று ஐக்கிய தேசியக் கட்சியின் பொதுச் செயலாளரும் பாராளுமன்ற உறுப்பினருமான திஸ்ஸ அத்தநாயக குறிப்பிட்டார்.

பொது மக்களுக்காக வரவு செலவுத் திட்டம் தயாரிக்கப்படவில்லை. சர்வதேச நாணய நிதியத்தை சந்தோஷப்படுத்தவும் சர்வதேசத்திடம் அடிப்பணிந்துமே தயாரிக்கப்பட்டுள்ளது. இதனால் நாட்டில் மேலும் வாழ்க்கை செலவே அதிகரிக்கப்போகின்றது என்றும் அவர் தெரிவித்தார்.

எதிர்க்கட்சித் தலைவர் அலுவலகத்தில் நேற்று செவ்வாய்க்கிழமை நடைபெற்ற விசேட செய்தியாளர் மாநாட்டிலேயே திஸ்ஸ அத்தநாயக்க எம்.பி மேற்கண்டவாறு கூறினார். இவர் இங்கு தொடர்ந்தும் கூறுகையில், நேற்று முன்தினம் திங்கட்கிழமை ஜனாதிபதி மஹிந்த ராஜபக்ஷ 7 ஆவது வரவு செலவுத் திட்டத்தை சமர்ப்பித்தார். அரசாங்கம் எவ்வளவுதான் வீர வசனத்தை சர்வதேச நாடுகளுக்கு எதிராக பேசினாலும் முன் வைக்கப்பட்டுள்ள 2012 ஆம் ஆண்டிற்கான வரவு செலவுத் திட்டத்தில் முழு அளவில் மண்டியிட்ட தன்மையினையே அரசாங்கம் கொண்டுள்ளது.

பொது மக்களுக்கான நிவாரணங்கள் தொடர்பில் அரசாங்கம் வரவு செலவுத்திட்டத்தில் அக்கறை செலுத்தவில்லை. இம்முறையும் ஏமாற்றும் கொள்கையினையே கடைப்பிடித்துள்ளது. ரூபாவின் பெறுமதி மிக மோசமான முறையில் வீழ்ச்சியடைய செய்யப்பட்டுள்ளது. சகல விதமான இறக்குமதிப் பொருட்களுக்கும் சாதாரண வரி மற்றும் மேலதிக வரியினை அதிகரிப்பதற்கான திட்டமே வரவு செலவுத் திட்டத்தில் காணப்படுகின்றது. ஏனென்றால் சர்வதேசத்திடமிருந்து பெற்றுக் கொண்டுள்ள பாரிய கடன் தொகையை செலுத்துவது எப்படி என்பதை இதுவரையில் அரசு குறிப்பிடவில்லை.

அதேபோன்று தான் வரவு செலவுத் திட்டத்தில் பற்றாக்குறையாக உள்ள 468.8 பில்லியன் ரூபாவை எவ்வாறு ஈடு செய்வது என்றும் குறிப்பிடவில்லை. சம்பள உயர்வுகள் தொடர்பில் அரசின் அறிவிப்பு நம்பகத்தன்மையானதாக இல்லை. ஏனென்றால் கடந்த 2010 ஆம் ஆண்டு ஜனாதிபதியினால் அறிவிக்கப்பட்ட 2500 ரூபா சம்பள உயர்வு இன்று வரையில் வழங்கப்படவில்லை. அதேபோன்று பொதுமக்களுக்காக எத்தனையோ வாக்குறுதிகள் அரசினால் வழங்கப்பட்ட போதிலும் இதுவரையில் அவை நிறைவேற்றப்படவில்லை.

தனியார் துறையினர் தொடர்பாக அரசாங்கம் வாயையே திறக்கவில்லை. இலங்கையில் சுமார் 60 இலட்சம் தனியார் ஊழியர்கள் உள்ளார்கள். இவர்களுக்கும் பொதுவானதாகவே வாழ்க்கை செலவுப் பிரச்சினை அமைகின்றது. ஆனால் அரசாங்கம் இவர்களை கண்டும் கொள்ளவில்லை.

வெளிநாடுகளின் சொத்துக்களும் முதலீடுகளும் அதிகரிக்கப்பட்டுள்ளதாக அரசாங்கம் வரவு செலவுத் திட்ட அறிக்கையில் சுட்டிக்காட்டப்பட்டிருந்தது. இந்த தரவுகளில் எவ்விதமான உண்மைதன்மையும் இல்லை. பொலிஸாரின் மூன்றாவது குழந்தைக்கு வழங்கப்படும் ஒரு இலட்சம் ரூபா ஏமாற்று வேலையாகும். மேலும் வறுமையில் உள்ள இராணுவக் குடும்பங்களுக்கான 750 ரூபா கொடுப்பனவுகள் வெறும் பித்தலாட்டம்.

ஆக மொத்தத்தில் பொதுமக்களை இம்முறையும் ஏமாற்றி சர்வதேச நாணய நிதியத்தினை சந்தோஷப்படுத்துவதற்காக தயாரிக்கப்பட்டதே வரவு செலவுத் திட்டமாகும். எதிர்வரும் நாட்களில் அத்தியாவசிய உணவுப் பொருட்களின் விலைகள் அதிகரிக்கப்பட்டு நாட்டில் பாரியளவில் வாழ்க்கை செலவு அதிகரிக்கும் என்றார். ___

நீங்களும் என்ன அடி முட்டால்களாகத்தானே உள்ளீர்கள் மகிந்தவிடம் பார்த்து படித்துக்கொள்ளுங்கள் நாட்டு மக்களுக்கு இன்னும் விடிவு பிறக்க வில்லை எந்த ஆட்சி வந்தாலும் மக்களுக்கு

மக்களை முட்டாலாக்கும் ஆட்சியாளர்கள் பெருத்து விட்டார்கள்

நண்பன் wrote:நீங்களும் என்ன அடி முட்டால்களாகத்தானே உள்ளீர்கள் மகிந்தவிடம் பார்த்து படித்துக்கொள்ளுங்கள் நாட்டு மக்களுக்கு இன்னும் விடிவு பிறக்க வில்லை எந்த ஆட்சி வந்தாலும் மக்களுக்கு

:’|: :’|: :’|: