ஒடிசாவில் சரக்கு ரயிலுடன் கடுகதி ரயில் மோதல்

ஒடிசாவில் சரக்கு ரயிலுடன் கடுகதி ரயில் மோதல்
ஒடிசா மாநிலம், ஜார்சுகுடா ரயில் நிலையத்தில் நேற்று முன்தினம் அதிகாலை, கோராபுட்- ஹவுரா கடுகதி ரயிலும், சரக்கு ரயிலும் மோதிக் கொண்ட விபத்தில், நான்கு பயணிகள் காயம் அடைந்தனர்.

ஜார்கண்ட் மாநிலத்தில், ஹவுரா- டேராடூன் கடுகதி ரயிலின், ‘ஏசி’ பெட்டிகளில் கடந்த செவ்வாய்க்கிழமை திடீரென ஏற்பட்ட தீ விபத்தில், இரண்டு குழந்தைகள் உள்ளிட்ட ஏழு பேர் கருகி பலியாகினர்.

இந்நிலையில், ஒடிசா மாநிலம், ஜார்சுகுடா ரயில் நிலையத்தில் நேற்று முன்தினம் அதிகாலை, கோராபுட்- ஹவுரா கடுகதி ரயிலும், சரக்கு ரயிலும், சமிக்ஞையை கவனிக்காமல், ஒரே பாதையில் வந்து மோதிக் கொண்டன. இந்த விபத்தில் நான்கு பயணிகள் காயம் அடைந்தனர்.

விபத்து குறித்து அறிந்த கொல்கட்டா ரயில்வே டாக்டர்கள், சம்பவ இடத்திற்கு வந்து காயமடைந்த பயணிகளுக்கு சிகிச்சை அளித்தனர். மேல் சிகிச்சை கிடைக்கவும் ஏற்பாடு செய்தனர். கடுகதி ரயிலின் பாதிக்கப்பட்ட இரண்டு “ஏசி” பெட்டிகள் கழற்றப்பட்டு, அதில் இருந்த பயணிகள் உடனடியாக மற்ற பெட்டிகளுக்கு மாற்றப்பட்டனர்.

பின்னர் ரயில் காலை 7.05 மணிக்கு அங்கிருந்து புறப்பட்டுச் சென்றது. விபத்து குறித்து பொலிஸ் உயர் அதிகாரி கூறுகையில், “குவாசிகுண்ட் ரயில்வே நிலையத்தில் இருந்து புறப்பட்ட ரயில் சிறிது நேரத்தில், எதிர்பாராதவிதமாக தடம் புரண்டு விபத்திற்குள்ளானது. இந்த விபத்தில் நாசவேலை ஏதும் இல்லை. காயம் அடைந்த பயணிகள் உடனடியாக மீட்கப்பட்டு, சிகிச்சை அளிக்க மருத்துவமனைக்கு கொண்டு செல்லப்பட்டனர்’ என்றார்.

இறைவன் காப்பாற்றி விட்டான் அவர்களை.