ஆசைக்கு இணங்க மறுத்ததால் கொன்றேன்

by **நேசமுடன் ஹாசிம்** Fri 25 Nov 2011 - 17:57

திருச்செந்தூர் அருகே ஆசைக்கு இணங்க மறுத்த மனைவியை, கழுத்தை நெரித்துக் கொலை செய்த, கிறிஸ்தவ மதபோதகரை போலீசார் கைது செய்தனர்.திருச்செந்தூர், பிச்சிவிளை கிறிஸ்தவ மதபோதகர் அருள்,30. இவரது மனைவி மிஸ்பா எபநேசர் ஜெஸிந்த்,26, எம்.எஸ்ஸி., எம்.எட்.,பட்டதாரி. இவர்களுக்கு திருமணமாகி மூன்று ஆண்டுகள் ஆகின்றன. குழந்தையில்லை.

நவ.,22ம்தேதி இரவு, மிஸ்பா எபநேசர் ஜெஸிந்த், வீட்டில் மர்மமான முறையில் கொலை செய்யப்பட்டு கிடந்தார். திருச்செந்தூர் போலீசார் விசாரித்தனர். கணவர் அருள் தலைமறைவானதால், அவர் மீது சந்தேகம் ஏற்பட்டது. நெல்லை, தாழையூத்தில் பெற்றோர் வீட்டிலிருந்த அருள், போலீசார் தன்னை தேடுவதையறிந்தார்.

நேற்று மேலதிருச்செந்தூர் வி.ஏ.ஓ.,சாமிநாதனிடம் சரணடைந்து, "சம்பவத்தன்று ஆசைக்கு இணங்க மறுத்த மனைவி மிஸ்பா எபநேசர் ஜெஸிந்த்தை, போர்வையால் கழுத்தை நெரித்து கொலை செய்ததாக' வாக்குமூலமளித்தார். அருளை போலீசார் கைது செய்தனர்.