நிற்க ஒரு அடி மண் கேட்கிறோம்: பாலை திரைப்பட இயக்குநர் ம.செந்தமிழன் உருக்கம்!

இயக்குநர் செந்தமிழன் இயக்கத்தில்
முற்றிலும் புதுமுகங்களை வைத்து எடுக்கப்பட்ட படம் பாலை. இப்படம் இன்று
(25.11.2011) தமிழகம் முழுவதும் வெளியாகி தியேட்டர்களில் ஓடிக்
கொண்டிருக்கிறது. இப்படத்தின் இயக்குநர் செந்தமிழன் ரசிகர்களுக்கு
உருக்கமிகு கடிதம் ஒன்றை எழுதியுள்ளார். அக்கடித்தில் கூறியிருப்பதாவது:-



‘பாலை’ படத்தில் நாயகி காயாம்பூ பேசும்
வசனங்களில் எனக்கு நெருக்கமானது, ‘பிழைப்போமா அழிவோமா தெரியாது… வாழ்ந்தோம்
எனப் பதிவு செய்ய விரும்புகிறோம்’ என்பதுதான். ‘பாலை’ குழுவினர் உங்களிடம்
கூற விரும்புவதும் இதுவே.

‘பாலை படம் தமிழினத்தில் பதிவாகுமா அழிந்து போகுமா தெரியாது… இப்படி ஒரு படம் எடுத்தோம் எனப் பதிவு செய்ய விரும்புகிறோம்’.

பாலை
படத்தின் முன்னோட்டக் காட்சியைப் பார்த்த இயக்குனர் பாலுமகேந்திரா, “பாலை
உலகத் திரைப்பட வரலாற்றில் குறிப்பிடத்தக்க இந்தியப் படமாக இருக்கும். இது
ஒரு தமிழ்ப் படம் என்பதில் எனக்குத் தனிப்பட்ட கர்வம் உண்டு. எனது 45
ஆண்டுகால சினிமா வாழ்க்கையில் எந்தப் படத்தைப் பார்த்தும் ’இந்தப் படத்தை
நான் இயக்கவில்லையே’ என ஆதங்கப்பட்டதில்லை. பாலை படம் என்னை அப்படி ஏங்கச்
செய்கிறது’” என்று கடிதம் எழுதிக் கொடுத்தார்.

சத்தியமாக
இவ்வார்த்தைகளுக்கான தகுதி எனக்கில்லை. இவை ஒரு மூத்த படைப்பாளியின்
உணர்ச்சிவய வார்த்தைகள். நான் ஒரு போதும் நம்பிக்கையை விடுவதில்லை.
இயற்கையின் பேராற்றலை வேண்டுகிறேன். அப்பேராற்றலின் அங்கங்களாகவும்
படைப்புகளாகவும் விளங்கும் மக்களை நம்புகிறேன்.

நாங்கள் பந்தயத்தில் பரிசு கேட்கவில்லை. நிற்க ஒரு அடி மண் கேட்கிறோம்! என்று குறிப்பிட்டுள்ளார்.

ஏதோ இலவசமாக விளம்பரம் செய்துவிட்டார் பிழைத்துக்கொள்வார்

:”@: