மறைந்த ஆலிவுட் நடிகை மர்லின் மன்றோ புகைப்படம்: ரூ.1 1/2 கோடிக்கு ஏலம்

by **நண்பன்** Tue 6 Dec 2011 - 8:39

மறைந்த ஆலிவுட் நடிகை மர்லின் மன்றோவின் புகைப்படம் ரூ.1 1/2 கோடிக்கு
ஏலம் போனது. அமெரிக்காவில் பெவர்லி ஹில்ஸ்சில் உள்ள ஜிலியன் ஏல நிறுவனம்
பிரபலங்கள் பயன்படுத்திய பொருட்களை ஏலத்தில் விட்டு வருகிறது. இந்த
நிலையில் மறைந்த பிரபல ஆலிவுட் நடிகை மர்லின் மன்றோவின் புகைப்படம்
ஏலத்தில் விடப்பட்டது.

அந்த போட்டோ யாரும்
எதிர்பாராத வகையில் ரூ.1 கோடியே 75 லட்சத்துக்கு ஏலம் போனது. இந்த தகவலை
ஜிலியன் ஏல நிறுவனத்தின் செய்தி தொடர்பாளர் கரோலின் கலியோவே தெரிவித்தார்.
ஆனால், அதை யார் ஏலத்தில் எடுத்தது என்ற விவரத்தை வெளியிட மறுத்து
விட்டார். இதில் என்ன விசேஷம் என்றால் நடிகையான பின் மர்லின் மன்றோ முதன்
முதலாக எடுத்துக்கொண்ட போட்டோ கடந்த 1946-ம் ஆண்டு எடுக்கப்பட்டது.

அதன்
நெகட்டிவ் உரிமை போட்டோ கிராபர் நார்மா ஜன் டார்ட்டி என்பவரிடம் இருந்தது.
கோர்ட்டு உத்தரவுப்படி ஏலத்தின் மூலம் போட்டோவுக்கு கிடைத்த ரூ.1 கோடியே
75 லட்சம் அவரிடம் வழங்கப்பட உள்ளது.

மர்லின் மன்றோ
போட்டோவுடன் பாப் பாடகி லேடி ககா, மற்றும் ஜான் லெனான் ஆகியோரின் வீடியோ
ஆல்பம் மற்றும் போட்டோக்களும் ஏலத்தில் விடப்பட்டன. லேடி ககாவின் வீடியோ
ஆல்பம் ரூ.3 லட்சத்து 75 ஆயிரத்துக்கு ஏலம் போனது.

மாலை மலர்