உண்மைச்சபவம் - மனைவியை இழந்த நடிகர்

by **அப்துல்லாஹ்** Tue 6 Dec 2011 - 9:28

"திரையுலகிலிருந்து எத்தனையோ அறிவாளிகள் வந்திருக்கிறார்கள். ஆனால் ஒரே ஒரு மேதைதான் வந்திருக்கிறார். அவர்தான் "சார்லி சாப்ளின்!' என்று சொன்னார் பேரறிஞர் பெர்னாட்ஷா.

அவர் இலக்கியத்துக்கான நோபல் பரிசும்- திரைப்படத் துறைக்கான ஆஸ்கார் விருதும் பெற்றவர். அத்தகைய மேதையால் பாராட்டப் பெற்ற சார்லி சாப்ளினின் திரையுலக சாதனை இன்று வரை யாராலும் தொட முடியாத சிகரம். பேசும் படம் இல்லாத காலத்தில் தொடங்கி, சினிமா பேசத் தொடங்கிய காலத்திலும் காமெடி யில் புரட்சிகரமான கருத்துகளைச் சொன்னவர் சாப்ளின்.

அவருக்கும் தமிழகத்தின் ஒரு குக்கிராமத்து சிறுமிக்கும் முடிச்சு போட்டு ஒரு அழகான கதையைப் படமாக்கி இருக்கிறார் ஆர். பிரகாஷ். இவர் ஆர்.பி. சௌத்ரியால் திரைக்குக் கொண்டு வரப்பட்டவர். உதவி இயக்குநராக முகவரி பெற்ற ஆர். பிரகாஷை, இயக்குநர் அந்தஸ்துக்கு உயர்த் தியவர் இவரது அசோஸியேட்டாக இருந்த ஆர். மணிகண்டன் என்பது இன்னொரு சிறப்பு!

தமிழ் சினிமாவில் குழந்தைகள் படங்கள் வந்திருக்கின்றன. ஆனால் அந்தக் குழந்தை களெல்லாம் ஞானக் குழந்தைகளாகப் பேசும்; காரியங்கள் செய்யும். அதேசமயம் குழந்தைகளின் யதார்த்த உணர்வு களைப் பதிவு செய்திருக்காது. ஆனால், அப்படி சொன்ன "பசங்க' படம் வெற்றி பெற்றது. குழந்தைகளின் மனநிலையை யதார்த்ததோடு காட்டியதால் கிடைத்த வெற்றி அது. அந்த வகையில் உருவாகி இருக்கிற படம்தான் "சாப்ளின் சாமந்தி.'

சாமந்தி கண்பார்வை சரியாக இல்லாத ஒரு இளம் பிஞ்சு. அவளுக்கு உலகம் கறுப்பு- வெள்ளையாகத்தான் தெரியும். அவளுக்கு சைக் கிள் வாங்க வேண்டும் என்பது தீராத கனவு. அதை அடைய ஒரு சந்தர்ப்பமாக- பள்ளியில் மாறுவேடப் போட்டியில் வெற்றி பெறுகிற மாணவிக்கு சைக்கிள் பரிசு என்று அமைகிறது. என்ன வேடம் போட்டால் அதை அடைய முடியும் என்று யோசிக்கும் போது, சார்லி சாப்ளின் கேரக்டர் நினைவுக்கு வருகிறது. மினிபஸ் கண்டக் டர் ஊர்க் காவலன் துணை யுடன் அதைச் செய்கிறாள்.

அவள் ஜெயித்தாளா?

அவளுக்கு உதவிய ஊர்க் காவலனின் காதல் ஜெயித்ததா என்பதே "சாப்ளின் சாமந்தி' கதை.

ஹிருத்திகா என்ற குழந்தை சாமந்தியாக- பார்வை தெரியாத பெண்ணாக நடித்திருக்கிறது.

இந்த விழாவில் பேசிய பாக்யராஜ், ""நடிகர் சந்திரபாபு வாழ்க்கையில் நடந்த உண்மைச் சம்பவத்தை வைத்துப் படம் எடுத்தேன். முதலிரவன்று தன் புது மனைவி ஏற்கெனவே ஒருவரைக் காதலித்த விஷயத்தைத் தெரிந்து கொண்ட சந்திரபாபு, தன் மனைவியை அவள் காதலனுடன் அனுப்பி வைத்தார்.

அதுதான் "அந்த 7 நாட்கள்'. அது பெற்ற
வெற்றி போல இப்படமும் வெற்றி பெறும்''

என்றார்.

பாக்யராஜ், பாலாஜி சக்திவேல், ஜனநாதன், சசி போன்ற யதார்த்த சினிமாக்காரர்கள் புகழ் கிறார்களென்றால் "சாப்ளின் சாமந்தி' விருதும் பொருளும் குவிக்கும் படமாக இருக்கும் என்றுதான் தோன்றுகிறது!