தமிழக அரசின் விரைவு பஸ்களில், "டிவி'க்கள் மூலம் சினிமா

தமிழக அரசின் விரைவு பஸ்களில், "டிவி'க்கள் மூலம் சினிமாக்கள் ஒளிபரப்பப்படவுள்ளது.மாநிலத்தின் பல்வேறு பகுதிகளுக்கும், நெடுந்தொலைவு செல்லக்கூடிய விரைவு பஸ்களை, அரசு விரைவு போக்குவரத்துக் கழகம் இயக்கி வருகிறது. இத்தகைய பஸ்களில் பயணிக்கும் பயணிகளின் பொழுதுபோக்கிற்காக, "டிவி'க்கள் மூலம் சினிமா ஒளிபரப்ப முடிவு செய்யப்பட்டுள்ளது.இதன்படி, விரைவு பஸ்களில் புதிய, "டிவி' மற்றும் வி.சி.டி., கருவி பொருத்தப் படவுள்ளது.


தொலைக்காட்சிகளில் அனுமதி பெற்ற சினிமா மற்றும் சினிமா பாடல்கள், பயணத்தின் போது ஒளிபரப் பப்படும். பத்து நிமிடத்துக்கு ஒருமுறை, விளம்பரம் மற்றும் சாலை போக்குவரத்து குறித்த விழிப்புணர்வு ஆவணப் படங்களும் ஒளிபரப்பாகவுள்ளன.இதற்கான பணிகள் தனியார் ஏஜன்சி மூலமாக செய்யப்பட்டுள்ளதாக போக்கு வரத்துக் கழக அதிகாரிகள் தெரிவித்தனர். இவற்றை இயக்குவதில் பழுது ஏற்பட்டு சரி செய்யப்படவில்லை யெனில், ஒப்பந்ததாரருக்கு அபராதம் விதிக்கவும் போக்குவரத்துத் துறை திட்டமிட்டுள்ளது.

அரசு விரைவு பஸ்களில், "டிவி'க்கள் வைத்து சினிமாக்களை திரையிடும் முறை கடந்த காலங்களிலும் இருந்தது. ஆனால், இதற்கு பயணிகளிடம் போதிய வரவேற்பு கிடைக்க வில்லை. அத்துடன் பழுதான, "டிவி'க்களை சரி செய்வதிலும் போக்குவரத்துக் கழகங்கள் அக்கறை காட்டவில்லை. இதனால், இந்த திட்டம் கைவிடப்பட்டது. தற்போது தனியார் மூலமாக மீண்டும் இந்த திட்டம் நடைமுறைக்கு வரவுள்ளது.