Latest topics

'டேம் 999' படத்துக்கு தடையை நீக்க நீதிபதிகள் மறுப்பு

சேனைத்தமிழ் உலா :: தகவலறை :: தினசரி செய்திகள்

Page 1 of 1

'டேம் 999' படத்துக்கு தடையை நீக்க நீதிபதிகள் மறுப்பு

by *சம்ஸ் Fri 9 Dec 2011 - 20:34

முல்லைப் பெரியாறு அணை உடைவது போன்ற காட்சிகளை கொண்ட 'டேம் 999' என்ற சினிமா படத்துக்கு தமிழக அரசு தடை விதித்து இருக்கிறது. இதை எதிர்த்து அந்த படத்தின் இயக்குனர் சோஹன் ராய், சுப்ரீம் கோர்ட்டில் வழக்கு தொடர்ந்தார்.

இந்த வழக்கின் விசாரணை நேற்று நீதிபதிகள் ஏ.கே.கங்குலி, ஜே.எஸ்.கேஹர் ஆகியோர் முன்னிலையில் நடைபெற்றது. அப்போது நீதிபதிகள், "தமிழக அரசின் உள்துறை செயலாளரை படத்தின் இயக்குநரும், அவரது வக்கீலும் 12-ந் தேதி சந்தித்து விளக்கம் பெறலாம். அதன் பின் இந்த வழக்கில் 16-ந் தேதி கோர்ட்டு தனது உத்தரவை வழங்கும்" என்று அறிவித்தனர்.

இந்த விசாரணையின் போது ஆஜரான தமிழக அரசின் வக்கீல்கள் குரு கிருஷ்ண குமார், ஸ்ரீகலா ஆகியோர், "ஏற்கனவே இதுபோன்ற விளக்கம் பெற இயக்குனர் சோஹன் ராய்க்கு தமிழக அரசு வாய்ப்பு அளித்தது. ஆனால் கோர்ட்டில் இருக்கும் வழக்கை காரணம் காட்டி, அவர் இந்த வாய்ப்பை பயன் படுத்திக்கொள்ள வில்லை" என்று தெரிவித்தனர். 'டேம் 999' சினிமா படத்துக்கு தடையை நீக்கி, நீதிபதிகள் எந்த உத்தரவும் பிறப்பிக்க வில்லை.

உங்களைத் தொழவைக்கும் முன் நீங்கள் தொழுது கொள்ளுங்கள்.

*சம்ஸ்: வி.ஐ.பி; பதிவுகள்:- : 69213
மதிப்பீடுகள் : 2977