ஜப்பானில் இன்னொரு அணுஉலையில் கதிர்வீச்சு

by **நண்பன்** Mon 12 Dec 2011 - 16:49

ஜப்பானில் கடந்த மார்ச் மாதம் பூகம்பமும், அதை தொடர்ந்து சுனாமியும் ஏற்பட்டது. அதில் சுமார் 20 ஆயிரம் பேர் பலியாகினர். மேலும், புகுஷிமா என்ற இடத்தில் உள்ள அணுமின் நிலையத்தில் 3 அணு உலைகள் வெடித்து சிதறின.

எனவே, அதில் இருந்து கதிர்வீச்சு வெளியாகி காற்று, குடிநீர், அரிசி, பால், பழங்கள் மற்றும் காய்கறிகளிலும் பரவியது. ஆகவே, அதை சுற்றி 20 கி.மீட்டர் தூரத்தில் குடியிருந்த மக்கள் அங்கிருந்து வெளியேற்றப்பட்டனர். வெடித்து சிதறிய அணு உலையை குளிர்வித்து அவற்றை சீரமைக்கும் பணி நடைபெற்று வருகிறது.

அந்த பீதி ஜப்பானில் இன்னும் ஓயவில்லை. அதற்குள் இன்னொரு அணு உலையில் இருந்து கதிர்வீச்சு கசிந்துள்ளது. அந்த அணுஉலை தெற்கு கியூசு மாகாணத்தில் சேகா பகுதியில் ஜெங்காய் என்ற இடத்தில் உள்ளது. அங்குள்ள அணுஉலைகளை குளிர்விக்கும் குளிர்ப்பான்களில் இருந்து வெளியேறிய 1.8 டன் தண்ணீரில் கதிர்வீச்சு பாதித்துள்ளது.

இந்த தகவலை ஜப்பான் அரசு அறிவித்துள்ளது. இந்த கதிர் வீச்சு சுற்றுச்சூழலை பாதிக்காது என்றும் அறிவிக்கப்பட்டுள்ளது இருந்தும் ஜெங்காய் பகுதி மக்கள் பீதியில் உள்ளனர்.