முல்லைப் பெரியாறு அணைக்கு மத்திய அரசு பாதுகாப்பு

தமிழகம் முழுவதும் தி.மு.க. உண்ணாவிரதம்
முல்லைப் பெரியாறு அணை விவகாரம் விஸ்வரூபம் எடுத்துள்ள நிலையில், அணையை பாதுகாக்க உடனடியாக மத்திய பாதுகாப்பு படையை அனுமதிக்க வேண்டும் என்று மத்திய அரசை வலி யுறுத்தி தமிழகம் முழுவதும் தி.மு.க. வினர் நேற்று உண்ணாவிரதம் மேற்கொண்டனர்.

உச்ச நீதிமன்றம் தீர்ப்புப்படி முல்லைப் பெரியாறு அணையின் நீர்மட்டத்தை 135 அடியிலிருந்து 142 அடியாக உயர்த்த கேரள அரசு அனுமதிக்க வேண்டும். பிரச்சினை தீரும் வரை அணைக்கு மத்திய பாதுகாப்பு படை பாதுகாப்பு கொடுக்க வேண்டும் என்கிற கோரிக்கைகளை வலியுறுத்தி இந்த உண்ணாவிரதம் நடைபெற்றது.

சென்னை அண்ணா அறிவாலயத்தில் நேற்றுக் காலை 8 மணிக்குத் தொடங்கி மாலை 5 மணி வரை நடைபெறுகிறது. தென் சென்னை மாவட்டச் செயலாளரும் சட்டப்பேரவை உறுப்பினருமான ஜெ. அன்பழகன், வட சென்னை மாவட்டப் பொறுப்பாளர் ஆர்.டி. சேகர். ஆகியோர் தலைமை தாங்கினர். பொதுச் செயலாளர் க. அன்பழகன் உண்ணா விரதத்தை தொடங்கி வைத்தார். தி.மு.க தலைவர் கருணாநிதி மாலை 5 மணிக்கு உண்ணாவிரதத்தை முடித்து வைத்து பேசுகிறார்.

இதேபோல் தாம்பரத்தில் நடைபெறும் உண்ணாவிரதத்திற்கு பொரு ளாளர் மு.க. ஸ்டாலின் தலைமை தாங்கி னார். தஞ்சாவூரில் முன்னாள் அமைச்சர் கோ.சி. மணியும், சேலத்தில் முன்னாள் அமைச்சர் வீரபாண்டி ஆறுமுகமும், விழுப்புரத்தில் முன்னாள் அமைச்சர் பொன்முடியும் தலைமை தாங்கினர்.

உண்ணாவிரதம் இருக்க தி.மு.க.வுக்கு தமிழக அரசு அனுமதி அளிக்கவில்லை என்பதால் அண்ணா அறிவாலயத்தில் உண்ணாவிரதம் நடந்தது குறிப்பிடத்தக்கது.

உண்ணா விரதம் இருந்து என்ன செய்ய இதுதான் இந்த பிரச்சனைக்கு தீர்வா என்ன ..கலைஞர் கேரள முதல்வரை சந்தித்து பேச வேண்டும்